Нуучча тыйаатыгар элбэх оҕолоохтор босхо сылдьыахтара
Сезон саҕаланыан иннинэ, атырдьах ыйын 27 күнүгэр, тыйаатыр «Тетки» испэктээкили көрөөччү дьүүлүгэр таһаарыаҕа. Билиэт атыытыттан киирбит үп халаан уутуттан эмсэҕэлээбит Үөһээ Дьааҥы улууһун култууратын үлэһиттэригэр ананар. Тыйаатыр көрөөччүлэргэ санатар, олохтоохтор испэктээкиллэр билиэттэрин чэпчэтиллибит сыананан, сорохтор босхо ылыахтарын сөп.
Нуучча тыйаатырыгар босхо сылдьар араҥа: инбэлииттэр, Аҕа дойду Улуу сэриитин кыттыылаахтара, тыыл бэтэрээннэрэ, өлбүт байыаннай сулууспалаахтар дьиэ кэргэттэрэ, Арассыыйа уонна ССРС Дьоруойдара. Итини сэргэ тыйаатырга Мииринэйдээҕи «Харысхал» социальнай-реабилитациялыыр киин иитиллээччилэрэ уонна биэстэн элбэх оҕолоох дьиэ кэргэттэр босхо сылдьаллар. Каассаҕа докумуоннары көрдөрөр ирдэнэр.
Кыаммат, эбэтэр үс-түөрт оҕолоох дьиэ кэргэттэргэ 50%-наах чэпчэтии көрүллэр.
«Саха сирин олохтооҕун каартата» хаһаайыттара эмиэ чэпчэтиинэн туһаналлар. Кинилэргэ 10%-наах чэпчэтии көрүллүбүт.
Билиэттэри каассаттан 10:00-19:00 чааска ылыахха сөп (эбиэтэ, өрөбүлэ суох), эбэтэр официальнай сайтан: GARDT.ru, порталлартан: afisha.ysia.ru, yakutskgo.ru, Afisha.yakutia.ru. Итиэннэ билиэттэри #ПУШКИНСКАЯКАРТА бырагырааманан атыылаһыахха сөп.
Билсэр төлөпүөн нүөмэрдэрэ: 42-46-91, 32-52-06
Сонуннар
Ордук ааҕаллар
