«Нуучча цивилизацията» хаартыска күрэҕэ кыттааччылары күүтэр

Куонкурус «Судаарыстыбаннай национальнай бэлиитикэни олоххо киллэрии» РФ судаарыстыбаннай бырагырааматын чэрчитинэн, итиэннэ омуктар икки ардыларынааҕы сыһыаны тупсарыыга уонна норуоттар этнокултуурунай сайдыыларын өйөөһүҥҥэ туһуланар.

Ааспыт сылга 77 дойдуттан 5 тыһыынчаттан тахса киһи күрэх кыттыылааҕынан буолан  22,5 тыһыынча үлэ кэлбит. РФ регионнарын хаартыскаҕа түһэрээччилэрин түмэр тэрээһин сылтан сыл улаатан, тэнийэн иһэр.  

Хаартыска күрэҕэр идэтийбит фотографтары кытта иллэҥ кэмҥэ дьарыктанааччылар 18 саастарыттан саҕалаан кыттыахтарын сөп. Хас биирдии кыттааччы 5-кэ тиийэ 2016 сыл иннинээҕи хаартыскаларын номинацияларынан ыытар: «Уникальная природа», «Лица и поколения», «Традиции большой страны», «Архитектура и скульптура», «Духовные скрепы», «Многонациональная Москва».

Быйылгы куонкуруска аан бастаан 7-17 саастаах оҕолор «Детский взгляд» номинацияҕа кыттыахтара. Дьүүллүүр сүбэҕэ биллиилээх идэтийбит бириэмийэлэр лауреаттара, култуура үтүөлээх үлэһиттэрэ, худуоһунньуктар, артыыстар уо.д.а. бааллар. Кыайыылаахтары наҕараадалааһын Москва куоракка Норуот сомоҕолоһуутун күнүн бэлиэтээһин саҕана буолуоҕа.

Куонкурус туһунан информация www.rucivilization.ru официальнай порталга баар. Итиэннэ ФАДН үлэһитэ Т.В. Акперовы кытта сибээстэһиэххэ сөп: төлөпүөнэ: +7 (968) 792-71-36, эл. почтата: akperov@fadn.gov.ru.