14.05.2020 | 11:56

НОРУОТ СӨБҮЛҮҮР ООННЬУУТА БЫЙЫЛ БУОЛУО ДУО?

НОРУОТ СӨБҮЛҮҮР ООННЬУУТА БЫЙЫЛ БУОЛУО ДУО?
Ааптар: Киин Куорат
Бөлөххө киир

Иннокентий АММОСОВ

Саха дьоно түҥ былыргыттан Дьөһөгөй оҕотун күөн туттан, араҥаччылаан, харыстаан, баччаҕа диэри илдьэ кэллибит. Сылгы – миинэр миҥэ, көлүнэр көлө, эрэллээх доҕор. Маны таһынан саха киһитин кутун-сүрүн туппут, кэпсээҥҥэ киирбит өбүгэ саҕаттан илдьэ сылдьар оонньуубут – ат сүүрдүүтэ буолар. Быһымах, күлүмнэс түһүүлээх, сындааһыннаах уһун тыыннаах сүүрүк сылгылар уос номоҕо, көлүөнэттэн-көлүөнэҕэ кэрэ кэпсээн буолан тарҕаналлар. Ону силигин ситэрэн 2005 сылтан оонньонор Саха Өрөспүүбүлүкэтин Бэрэсэдьиэнин бирииһин саха норуота уһун кыһыны быһа кэтэһэр.

Аан дойду үрдүнэн тарҕаммыт коронавирус ыарыы ат сүүрдүүтүн тумнан ааспата. АХШ  ыам ыйын бастакы быыһык күнүгэр ыытыллыахтаах Кентукки Дерби балаҕан ыйын бастакы өрөбүлүгэр көстө. Арассыыйаҕа, биһиэнэ биһиэнин курдук, Императорскай сүүрдүү, ол аата Арассыыйа Бэрэсидьиэнин бирииһэ хаһан буолара биллэ илик. Ол эрээри, хата, Пятигорскай, Краснодар, Павловскай ипподромнара сүүрдүүлэри көрөөччүтэ суох тэрийэр буолан эрэллэр. Сүүрдүүлэри «Конный Мир“ ханаалга быһа биэриинэн көрдөрөллөр.

Дьөһөгөй куттаах сахалар сөбүлүүр оонньуубут тэриллэрэ-тэриллибэтэ бу ый 15 күнүгэр быһаарыллар. Саха өрөспүүбүлүкэтин Ат спордун федерацията улахан сүбэ мунньах ыытар. Былырыын Ил Дархаммыт Айсен Николаев кыайыылаах Чурапчы улууһун атыырыгар Мэйн Конинга бирииһин туттаран баран, эһиилгиттэн 2020 сылтан ат сүүрдүүтүгэр Ил Дархан бирииһэ 5 мөлүйүөн буолуо диэн эппитин, Үс Хатыҥ ипподромугар мустубут отучча тыһыынча киһи трибуна дьиһигийиэр диэри уруйдаан‒айхаллаан ылбыта.

СӨ Ил Дарханын бирииһигэр чарапчыланаары мэҥэ хаҥаластар уонна аммалар саҥа сүүрүк сылгылары аҕалбыттара.

Брокер Барс, Свидетель Барс

Cвидeтeль Баpс (Индиaн Джeймcoн‒ Cаксессфулдебют). 5 саастаах. Кугас атыыр. Амма.

Баларга эбии хаҥаластар, намнар, үөһээ бүлүүлэр, сунтаардар, уус алданнар, аммалар, мэҥэ хаҥаластар сүүрүк сылгылары баайа сылдьаллар. Саха норуота эрэнэ, долгуйа ат сүүрдүүтүн халандаара чопчуланарын күүтэр. 

Уһун кыһыны быһа ат сүүрдүүтүн көрөөрү ыра оҥостубуппут, күдэҥҥэ көппөтөр ханнык.

Брокер Барс (Пaуэр Брокeр‒ Лeди Bи). 5 саастаах. Кугас атыыр. Мэҥэ Хаҥалас.

.Ил Дархан бирииһин 2017-19 с. кыайыылааҕа Мэйн Конинг

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дьиэҕин куортамныыгын дуо?
Сонуннар | 10.05.2024 | 14:00
Дьиэҕин куортамныыгын дуо?
Дьиэни-уоту бас билээччилэр кыбартыыраларын куортамҥа биэрэн дохуот ылаллар, оттон нолуогу төлүөхтэрин баҕарбаттар. Нолуок уорганнара кыбартыыраны сокуону кэһэн туран куортамҥа туттарбыттарын туһунан хайдах билиэхтэрин уонна 2024 сылга ыстараап ылбат туһугар туох дьаһаллары ылыахтарын сөбүн  туһунан Mail.ru “Советник- центр” МК адвоката Александр Шиманскай кэпсээтэ. “Нолуок кодексатын быһыытынан, дьиэни-уоту куортамҥа туттарартан киирэр дохуоттан...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...