«Норуот бүддьүөтэ» куонкурус сүүмэрдээһинигэр кыттыҥ

Сайаапкалары тутуу 2022 сыл ахсынньы 9 күнүгэр, олохтоох бириэмэнэн 18:00 чааска түмүктэнэр.

Кыттааччылар куонкурус сайаапкатын толороллор уонна докумуоннарын туттараллар, аадырыһа: 677007, Саха Өрөспүүбүлүкэтэ, Дьокуускай куорат, Ленин пр., 15, 712 кэб., Олохтоох дьаһалта Территориялары кытта үлэҕэ департамена, төлөпүөн нүөмэрэ 40-88-48.

Сайаапкалары бэнидиэнньиктэн бээтинсэҕэ диэри, 09:00 чаастан 18-00 диэри туталлар, эбиэт – 13:00 -14:00 чаас.

Итини сэргэ сайаапкалары уокуруктар салалталарыгар уонна куорат кытыытын дьаһалталарыгар туттарыахха сөп.

Норуот көҕүлээһинэ – Дьокуускай куорат уокуругун тыын суолталаах соруктарын быһаарыыга туһаайыллыбыт социальнай суолталаах бырайыактар. Кинилэр уопсастыбаннай эбийиэктэри тутууга, уларытан тутууга, өрөмүөннээһиҥҥэ, территориялары, нэһилиэнньэ сынньанар сирдэрин тупсаран оҥорууга сыһыаннаахтар. Бырайыак олоххо киириитигэр көҕүлээччилэр уонна нэһилиэнньэ булгуччу кыттыылара ирдэнэр.

Бырайыактары сүүмэрдээһин Олохтоох дьаһалта 2020 сыл балаҕан ыйын 1 күнүнээҕи 248п №-дээх «Норуот бүддьүөтэ» бырайыак балаһыанньатын бигэргэтии туһунан» уонна 2022 сыл сэтинньи 7 күнүнээҕи 333п №-дээх уларытыылар уураахтарыгар олоҕуран ыытыллар.