«Норуот бүддьүөтэ» бырайыак күрэҕэр сүүмэрдээһин ахсынньы 1 күнүгэр түмүктэнэр

Куонкуруһу ааспыттар нэһилиэнньэ көҕүлээһининэн олоххо киирэр социальнай суолталаах бырайыактарга, эбийиэктэргэ олохтоох бүддьүөттэн субсидиялары ылаллар. Бырайыактар куорат уокуругар тыын суолталаах уопсастыбаннай эбийиэктэри тутууну, уларытан тутууну, өрөмүөннээһини, территориялары тупсаран оҥорууну кытта сибээстээх буолуохтаахтар. 

Бырайыактары сүүмэрдээһин Олохтоох дьаһалта 2020 сыл балаҕан ыйын 1 күнүнээҕи 248п №-дээх «Дьокуускай куорат уокуругар «Норуот бүддьүөтэ» бырайыак балаһыанньатын бигэргэтии туһунан» уурааҕар олоҕуран ыытыллар.

Куонкурус усулуобуйатынан, көҕүлээччилэр бырайыак сыанатын 20%-тан итэҕэһэ суох уйуналлар, итинтэн ордуга олохтоох бүддьүөттэн үбүлэнэр. Өйөбүлү ылбыт бырайыактар 2024 сыл устата олоххо киириэхтээхтэр.

Өйөбүлү ылбыт бырайыактар 2024 сыл устата олоххо киириэхтээхтэр.

Сайаапкалары хомуйуу 2023 сыл сэтинньи 2 күнүттэн, сарсыарда 09:00 чаастан (олохтоох бириэмэнэн) саҕаланар.

Сайаапкалары 2023 сыл ахсынньы 1 күнүгэр киэһэ 18:00 чааска диэри (олохтоох бириэмэнэн) хомуйаллар.

Этиллибит болдьох устата кыттааччылар сайаапкаларын толорон, докумуоннарын суругунан маннык аадырыска тиксэрэллэр: 677007, Саха Өрөспүүбүлүкэтэ, Дьокуускай куорат, Ленин уул., 15, 712-с кэбиниэт, Олохтоох дьаһалта Территориялары кытта үлэлиир департамена, билсэр төлөпүөн: 40-88-48. Үлэ эрэсиимэ: бэнидиэнньик-бээтинсэ, 09:00-18:00 ч.ч., 13:00-14:00 ч.ч. – эбиэт.

Итини сэргэ сайабылыанньалары уокуруктар салалталарыгар уонна куорат кытыытын дьаһалталарыгар туттарыахха сөп.