20.01.2023 | 17:00

Нолуок вычетын туһунан өссө биирдэ

2023 сылга Арассыыйа олохтоохторугар нолуок эйгэтигэр дьоһун уларыйыылар хиирдилэр. Холобура, нолуок вычетын ылыы болдьоҕо үс ыйтан 12 хонукка диэри түргэтээтэ. Ону таһынан баай-дуол уонна оҕону үөрэттэрии нолуогун вычетын ыстаапката үрдүүрэ күүтүллэр.
Нолуок вычетын туһунан өссө биирдэ
Ааптар: Айталина Софронова
Бөлөххө киир

Төлөбүрү хайдах ылабыт?

Докумуоннары үлэлиир тэрилтэ, нолуок сулууспатын сайтын эбэтэр «Госуслуги» судаарыстыбаннай өҥө порталын нөҥүө туттарыахха сөп. Маныаха пааспар куоппуйатын, ИНН уонна баан реквизиттэрин таһынан дохуот туһунан декларацияны кытта ороскуоту туоһулуур докумуоннары уонна 2-НДФЛ ыспыраапканы тиксэрэр ирдэнэр.

2023 сыл вычетын хаһан туттарыахха сөбүй?

Сокуон быһыытынан, физическэй сирэйдэр 2022 сыллааҕы дохуоттарын туһунан иһитиннэриини нолуок сулууспатыгар 2023 сыл кулун тутар 1 күнүн кэнниттэн ахсынньы бүтүөр диэри туттарар кыахтаахтар. Вычеты кэнники үс сылга ылыахха сөп, оттон баай-дуол нолуогун вычета болдьоҕо суох.

Декларацияны хайдах толоробут?

Декларацияны нолуок федеральнай сулууспатын анал сайтыгар киирэн толороҕун.

Нолуок вычетын туохха төлүүллэрий?

Нолуок вычета сир, дьиэ атыылаһыытыгар, ол иһигэр ипотекаҕа төлөнөр. Маны таһынан үөрэххэ, эмкэ, олоҕу страховкалааһыҥҥа төлөммүт харчыны, оннооҕор судаарыстыбаннайа суох биэнсийэҕэ төннөрүөххэ сөп. Сүрүн усулуобуйата – нолуоккун кэмигэр төлөөбүт эрэ буолуохтааххын.

Үөрэххэ, малга-салга уонна эмкэ нолуок төлөбүрэ: суумата, болдьоҕо:

Саамай улахан кээмэйдээх нолуок вычетын — 260 тыһ. солк. диэри харчыны — дьиэ атыылаһыытыгар эбэтэр тутуутугар көрсүбүт ороскуокка ылыахха сөп. Маны сэргэ дьиэ-уот өрөмүөнүгэр, ол иһигэр кирэдьииккэ киирэн туран өрөмүөҥҥэ эмиэ вычет ылар кыах баар.

Бааҥҥа тус инвестиционнай счет (ИИС – индивидуальнай инвестиционный счет) иһин 104 тыһ. солк. диэри кээмэйдээх вычеты ылыахха сөп эбит. Улахан вычеты сыаналаах эмтэниигэ (ЭКОнан оҕолонуу, эндопротезирование, трансплантация) төннөрөр кыах баар.

15 600 солк. диэри кээмэйдээх стандартнай вычекка олоҕу-дьаһаҕы страховкалааһын, судаарыстыбаннайа суох пиэнсийэ бырагырааматыгар кыттыы, үөрэх, ол иһигэр онлайн үөрэх куурустара о.д.а. киирсэллэр.

2023 сылга ааҕыллар саҥа вычеттар

2023 сылга хамсаабат баайы-дуолу атыылаһыыга төлөнөр нолуок вычетын  алын кээмэйин улаатыннарар былааннаахтар. Ол эбэтэр билиҥҥи 2 мөл. солкуобайтан – 4 мөлүйүөҥҥэ диэри, Москва, Санкт-Петербург, Подмосковье, Ленинградскай уобалас эргин 6 мөл. солкуобайга диэри улаатаары турар. Онон 260 тыһ. солк. оннугар 520 тыһ. солк. диэри ылыахха сөп буолар.

Сонуннар

Ордук ааҕаллар

Биир санаанан салайтаран
Дьон | 19.01.2023 | 13:00
Биир санаанан салайтаран
Норуот сомоҕолоһуута, биир санааланыыта – олохпут сарсыҥҥыга эрэллээх буолуутун олуга. Хаһыаппыт бүгүҥҥү нүөмэригэр Ытык Күөл бөһүөлэгэр түөлбэнэн үлэни салайар бастыҥ уопсастыбанньык, олоххо көхтөөх позициялаах Агафья Савватееваны кытта кэпсэтэбит.
Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
«Сатал» кыһалҕатын быһаарар былаан оҥоһулунна
Сытыы муннук | 20.01.2023 | 13:00
«Сатал» кыһалҕатын быһаарар былаан оҥоһулунна
«Киин куорат» хаһыат ааспыт нүөмэригэр «Сатал» түөлбэҕэ тахсыбыт саахал туһунан суруйан турабыт. Тохсунньу тоһуттар тымныыта саамай муҥутаан турар кэмигэр аны маннык быһылаан хатыламматын, дьон дьиэтэ, гарааһа хам тоҥмотун туһугар олохтоохтор сүрүннүүр бөлөх тэринэн, Ил Дархаҥҥа тиийэ сурук суруйдулар.   Дьокуускайга кытыы түөлбэлэри, тыа хаһаайыстыбатын, атыыны-эргиэни уонна урбааны сайыннарыыга куорат баһылыгын солбуйааччы...
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)