22.10.2021 | 11:30

Нолуок сокуонугар уларыйыылар киирдилэр

Нолуок сокуонугар уларыйыылар киирдилэр
Ааптар: Киин Куорат
Бөлөххө киир

Ахсынньы 1 күнүгэр физическэй сирэйдэргэ 2020 сыллааҕы баай-дуол нолуогун болдьоҕо бүтэр.  Итинэн сибээстээн, өрөспүүбүлүкэҕэ сылын аайы буоларын курдук тырааныспар, сир учаастактарын уонна хапытаалынай тутуу эбийиэктэрин бас билээччилэригэр сэрэтии сурук ыытааһына саҕаланна. Бу туһунан алтынньы 21 күнүнээҕи физическэй сирэйдэр төлүүр нолуоктарыгар уларыйыылар тустарынан брифиҥҥэ Арассыыйа ФНС СӨ 5 №-дээх Оройуоннар икки ардыларынааҕы инспекция начаалынньыга Владимир Тихонов иһитиннэрдэ.
Тэрээһиҥҥэ нолуок төлөөччүлэри кытта үлэлиир салаа начаалынньыга Лилия Егорова, 3 №-дээх  камеральнай бэрэбиэркэ салаатын начаалынньыга Оксана Соловьева кытыннылар.
2020 сыллааҕы баай-дуол нолуогун ааҕан таһаарыыга уларыйыылар киирбиттэр. Ол курдук, баай-дуол уонна сир нолуогар эбийиэктэр саҥа кадастровай сыаналара киирбит. 
«Ол иһин ити нолуоктар суумалара үрдээбит, 2019 сылы кытта тэҥнээтэххэ 10%-тан тахсыбатах», – диэн бэлиэтээтэ Владимир Тихонов.
СӨ нолуок политикатын туһунан сокуонунан тырааныспар нолуогар гражданнар икки категорияларыгар саҥа чэпчэтии киирбит – элбэх оҕолоох ыал биир төрөппүтүгэр, чэпчэки уйуктаах массыынаҕа, матасыыкылга, мотороллерга, оптуобуска эбэтэр таһаҕас тиэйэр массыынаҕа. 
«Чэпчэтии социальнай харалта уорганнарыгар учуокка турар элбэх оҕолоох ыал испииһэгинэн оҥоһуллуоҕа. Ити дааннайдары нолуок уорганнарыгар ситэриилээх былаас  уорганнара биэриэхтэрэ», – диэтэ Владимир Тихонов. 
Итини сэргэ тырааныспардарыгар гаас араас көрүҥүн туттар физическэй сирэйдэр уонна предпринимателлэр нолуоктарыгар 50% чэпчэтии көрүллэр. 
«Чэпчэтиинэн туһанар курдук нолуок төлөөччүлэр ханнык оттугунан сылдьарын көрдөрөр тырааныспардарын пааспарын куопуйатын көрдөрөллөр», – диэн бэлиэтээтэ Владимир Тихонов.
Ити чэпчэтиилэр 5 сыл тухары баар буолуохтара. Баай-дуол уонна сир нолуоктара Дьокуускай куорат, оттон тырааныспар нолуога өрөспүүбүлүкэ бүддьүөттэригэр киирэллэр. 
Владимир Тихонов гражданнары баай-дуол нолуогун болдьоҕор төлүүллэригэр ыҥырда. Нолуок сулууспатын үлэһиттэрэ иһитиннэрбиттэринэн, 2020 иккис кыбаарталын нолуогуттан коронавирус дьаҥыттан эмсэҕэлээбит эйгэҕэ үлэлээбит предпринимателлэр босхолоноллор. Маны сэргэ www.nalog.ru сайтка уонна «Налоги ФЛ» мобильнай сыһыарыыга нолуок төлөөччү тус кэбиниэтин оҥостор туһунан санатылынна.

Сонуннар

Ордук ааҕаллар

Оҕуруо абылаҥар ылларбыт Роза Спиридонова
Дьон | 31.05.2024 | 14:00
Оҕуруо абылаҥар ылларбыт Роза Спиридонова
Роза Яковлевна Спиридонова Дьокуускай куорат 39 №-дээх «Ромашка» уһуйааныгар музыкальнай салайааччынан үлэлиир. Бүгүҥҥү сэһэргэһээччим, чахчы, талба талааннаах киһи. Кини оҕуруонан үлэлэрэ ханнык да көмүс оҥоһуктан хаалсыбаттар. Роза Яковлевна Ньурба Маалыкайыттан төрүттээх. Эбэтэ уонна ийэтэ суохтан баар оҥорор, кыраттан да элбэҕи айан таһаарар, эргэни саҥа тыынныыр сатабыллаах хаһаайкалар, көмүс тарбахтаах иистэнньэҥнэр...
Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...