31.08.2021 | 10:00

Николай Валуев уонна Евгений Григорьев эдэр боксердары кытта көрүстүлэр

Николай Валуев уонна Евгений Григорьев эдэр боксердары кытта көрүстүлэр
Ааптар: Киин Куорат

Атырдьах ыйын 30 күнүгэр РФ Госдуматын депутата, экология уонна тулалыыр эйгэни харыстыыр  кэмитиэтин бэрэссэдээтэлин бастакы солбуйааччы Николай Валуев уонна Дьокуускай куорат баһылыга Евгений Григорьев эдэр боксердары – өрөспүүбүлүкэ спортивнай оскуолаларын иитиллээччилэрин кытта көрүстүлэр. Ол туһунан Уокуруктааҕы дьаһалта пресс-сулууспата иһитиннэрдэ.
Боксаҕа WBA версиятынан ыарахан ыйааһыҥҥа аан дойду экс-чемпиона Николай Валуев «Триумф» спортивнай бэлэмнэнии Киинигэр үүнэр көлүөнэ спортсменнарга бэйэтин боксаҕа ситиһиилэрин, спортка карьератын, инники былааннарын, Саха сиригэр кэлбит сыалын уонна Горнай  улууһугар баһаартан эмсэҕэлээбиттэргэ көмө оҥоһуутун туһунан кэпсээтэ. 
«Биһиги сүрүн сорукпут – доруобай, спортивнай ыччаты иитэн таһаарыы, эһиги – Арассыыйа спортивнай эрэлэ буолаҕыт», – диэтэ Николай Валуев. Депутат бэлиэтээбитинэн, саҥа спортивнай эбийиэктэр – дойду бэрэсидьиэнин, бырабыыталыстыбатын, Саха сирин былааһын иннигэр турар спорт сайдыытыгар сүрүн соругунан буолаллар.  
Куорат баһылыга Евгений Григорьев көрсүһүү кыттааччыларын аатыттан Николай Валуевка бириэмэ булан эдэр боксердары кытта кэлэн көрсүбүтүн, уопут атастаспытын иһин махталын тириэртэ. 
«Бүгүҥҥү көрсүһүү оҕолорбут олохторугар умнуллубат түгэнинэн буолла. Аан дойду чемпиона, Саха сиригэр атын сыаллаах кэлэн баран быыс булан үүнэр көлүөнэни кытта көрсүбүтэ, олоххо бэйэтин көрүүлэрин, былааннарын үллэстибитэ үөрүүлээх. Федеральнай киин уонна «Биир ньыгыл Арассыыйа» баартыйа баһаартан эмсэҕэлээбит ойуурдары чөлүгэр түһэриигэ улахан болҕомтону уурарын көрөбүт», – диэн бэлиэтээтэ  Евгений Григорьев.
Көрсүһүү кэнниттэн эдэр спортсменнар бэйэлэрин санааларын үллэһиннилэр. Д.П. Коркин аатынан Чурапчытааҕы орто спортивнай оскуола-интэринээти бүтэрбит Валентин Иванов Николай Валуев боксаҕа эрэ буолбакка, өссө чэпчэки атлетикаҕа спорт маастара буоларын билбитин эттэ. «Мин урут кинини Арассыыйа күрэхтэһиилэригэр көрөр этим, олус аһаҕас, ылбаҕай майгылаах киһи. Бүгүҥҥү тэрээһини наһаа сөбүлээтим, аатырбыт чемпиону бары үөрэ көрүстүбүт», – диэн үллэһиннэ  спортсмен.
Р.М. Дмитриев аатынан өрөспүүбүлүкэтээҕи олимпийскай резервэ училищетын (колледжын) устудьуона Ренат Захаров спордунан дьарыгы хаһан баҕарар саҕылыахха сөбүн этэр. «Николай Валуев спордунан 20 сааһыттан эрэ дьарыктанан саҕалаабытын соһуйа иһиттим. Өссө кини баскетболунан дьарыктаммыт. Кинини 5 сыл билэбин, кини киирсиилэрин көрөн улааппытым диэххэ сөп. Бэйэм боксанан 10 сааспыттан дьырыктанабын», – диэтэ  Ренат Захаров.  
Көрсүһүү эдэр спортсменнарга туһалаах, кэрэхсэбиллээх, умнуллубат түгэнинэн буолла.

Сонуннар

Ордук ааҕаллар

Педиатр Елена ИВАНОВА:  «Улаатар оҕоҕо — ураты болҕомто»
Дьон | 21.09.2021 | 12:00
Педиатр Елена ИВАНОВА: «Улаатар оҕоҕо — ураты болҕомто»
Бүгүн “Яннамед” медицинскэй клиника педиатр бырааһа Елена Владимировна Иванова ыалдьыттыыр. Кинини кытта оҕо доруобуйатын туһунан кэпсэтиибитин сэргээн ааҕыҥ.   Быраас анала – Кыра оҕо туга ыалдьарын сатаан кэпсээбэт, уопсайынан, кырачаан дьону кытта үлэлиир ыарахан. Педиатрияны тоҕо талбыккыный? Үлэҥ уратытын туһунан кэпсиигин? –  Мин оҕолору кытта үлэлиэм диэн эрдэттэн быһаарыммытым. Эдьиийим...
Баһаарга үлэлээбит волонтердар доруобуйаларын бэрэбиэркэлии медиктэр кэллилэр
Сонуннар | 14.09.2021 | 16:50
Баһаарга үлэлээбит волонтердар доруобуйаларын бэрэбиэркэлии медиктэр кэллилэр
Балаҕан ыйын 14 күнүгэр Дьокуускайга Федеральнай медико-биологическай агентство биригээдэтэ кэллэ. Медиктэр баһаары умуруорууга кыттыбыт волонтердар доруобуйаларын туругун көрүөхтэрэ. Федеральнай Сибиирдээҕи научнай-клиническэй киин генеральнай дириэктэрэ Борис Баранкин СӨ премьера Андрей Тарасенколыын көрүстэ. СӨ доруобуйа харыстабылыгар Министиэристибэтэ иһитиннэрбитинэн, сэрэтэр хайысхалаах медицинскэй көрүү испииһэгэр өрөспүүбүлүкэ 500-тэн тахса олохтооҕо киирбит.  Бу иннинэ өрөспүүбүлүкэ бырабыыталыстыбата...
Дьокуускайга үөрэҕирии үлэһиттэрин балаҕан ыйынааҕы мунньахтара ыытыллар
Сонуннар | 15.09.2021 | 18:00
Дьокуускайга үөрэҕирии үлэһиттэрин балаҕан ыйынааҕы мунньахтара ыытыллар
Балаҕан ыйын 14 күнүттэн Дьокуускайга «Актуальные вопросы достижения стратегической цели повышение качества образования» диэн тиэмэнэн үөрэҕирии үлэһиттэрин балаҕан ыйынааҕы мунньахтара ыытыллар. Ол туһунан Уокуруктааҕы дьаһалта пресс-сулууспата иһитиннэрдэ.  Быйылгы мунньах дьүүллэһиитигэр Дьокуускай куоракка үөрэҕирии хаачыстыбатын үрдэтэр сыаллаах түөрт хайысха көрүллэр: иитии уонна эбии үөрэхтээһин боппуруостара; муниципальнай уонна  үөрэҕирии тэрилтэтин таһымнарыгар үөрэҕирии...
Гаас ситимнэригэр саҥа быраабыланан холбуохтара
Сонуннар | 17.09.2021 | 14:00
Гаас ситимнэригэр саҥа быраабыланан холбуохтара
Социальнай газификация уратыларын учуоттаан, Арассыыйаҕа гаас ситимнэригэр холбонорго саҥа быраабылалар олоххо киирэллэр. Ити уонна да атын кэккэ докумуоннары, бэрэсидьиэн көҕүлээбит бырагыраамаларын олоххо киллэрэр курдук,  бырабыыталыстыба бэрэссэдээтэлэ Михаил Мишустин бигэргэппит.  Быраабылаҕа этиллибитинэн, гааһы тарҕатар инфраструктура баар эрэ нэһилиэнньэлээх пууннарыгар гаас киириэн сөп уонна уонна дьиэ кэргэн тус сыалларыгар эрэ холбонор. Кэмиэрсиэйэ...