Николай Кульбертинов баһылык сүбэһитинэн ананна

Николай Кульбертинов «Дьокуускай куорат” куораттааҕы уокурук баһылыгын сүбэһитинэн ананна.
Николай Иванович Кульбертинов 1960 сыллаахха атырдьах ыйын 22 күнүгэр Саха АССР Өлүөхүмэ оройуонугар төрөөбүтэ. 
Милииссийэҕэ сулууспатын 1983 сыллаахха Өлүөхүмэ райисполкомун Ис дьыалаҕа салаатыгар ОБХСС оперуполномоченнайынан саҕалаабыта. 
1982 сыллаахха Одессатааҕы политехническай институт автомобильнай хаһаайыстыбаҕа салаатын, 1995 сыллаахха Хабаровскайдааҕы милииссийэ үрдүкү оскуолатын, онтон 2004 сыллаахха РФ Ис дьыалаҕа министиэристибэтин салайар каадырдары бэлэмниир Академиятын бүтэрбитэ.
Николай Кульбертинов оперуполномоченнайтан саҕалаан Дьокуускай куораттааҕы уопсастыбаҕа куттал суох буолуутун милииссийэтин (МОБ) начаалынньыгар тиийэ үүммүтэ. 
2009 сыл от ыйын 8 күнүттэн Дьокуускай куорат Ис дьыалаҕа управлениетын начаалынньыгынан анаммыта. 
2015 сылтан полиция полковнига Николай Кульбертинов РФ Ис дьыалаҕа министиэристибэтин Өймөкөөн оройуонугар салаатын начаалынньыгынан үлэлээбитэ. 
2017 сыл атырдьах ыйыгар РФ Ис дьыалаҕа министиэристибэтин Дьокуускайдааҕы Межмуниципальнай управлениетын начаалынньыгынан анаммыта. 
РФ Ис дьыалаҕа министиэристибэтин мэтээллэринэн, түөскэ иилинэр бэлиэлэринэн, Бочуотунай грамоталарынан наҕараадаламмыта.