29.09.2021 | 13:00

Үүнэр көлүөнэ пааркатын тутуу Сөбүлэҥэр илии баттанна

Үүнэр көлүөнэ пааркатын тутуу Сөбүлэҥэр илии баттанна
Ааптар: Киин Куорат

Өрөспүүбүлүкэ биир тутаах, стратегическай суолталаах эбийиэгин тутар туһунан Сөбүлэҥҥэ СӨ Үүнэр көлүөнэ тус сыаллаах пуондата уонна «Дирекция по строительству» диэн үбүлүүр-тутар фирма илии баттастылар. Тутуу үбүлээһинин АЛРОСА АХ хааччыйар буолбут.
Үөрүүлээх тэрээһиҥҥэ Саха Өрөспүүбүлүкэтин Бырабыыталыстыбатын бэрэссэдээтэлин солбуйааччы Сергей Местников, СӨ Ил Дарханын иһинэн Архитектураҕа уонна куораты тутууга управлениетын кылаабынай архитектора Ирина Алексеева, Дьокуускай куорат кылаабынай архитектора Семен Сергеев, СӨ “Үүнэр көлүөнэ тус сыаллаах пуондатын” генеральнай дириэктэрэ Владимир Егоров, «Дирекция по строительству» үбүлүүр-тутар фирма генеральнай дириэктэрэ Сергей Никитин кытыннылар. Ону тэҥэ Москва куораттан учредитель, «Архитектурная мастерская «Атриум» ХЭТ кылаабынай архитектора Антон Надточий онлайн-сибээскэ таҕыста.
“Үүнэр көлүөнэ паарката” ханан буоларын санаттахха, ХИФУ Үөрэтэр-лабораторнай куорпуһугар (УЛК) сыста турар университет бибилэтиэкэтин утары суол нөҥүө баар 2,4 га сиргэ, 79-с кыбартаалга тутуллан, 2025 сылга үлэҕэ киириэхтээх.  
Саха Өрөспүүбүлүкэтин Бырабыыталыстыбатын бэрэссэдээтэлин солбуйааччы Сергей Местников иһитиннэрбитинэн, бу паарка бастаан Үүнэр көлүөнэ пуондатын үбүлүөйдээх сылыгар анаммыт сквер быһыытынан толкуйдаммыт. Онтон, паарка оҥорор быһаарыныы ылыныллыбыт. Өрөспүүбүлүкэ уонна киин куорат былаастарын өйөбүлүн ылан, паарка архитектурнай кэнсиэпсийэтин уонна генеральнай былаанын оҥорууга 2019 сыллаахха Бүтүн Арассыыйа таһымнаах улахан куонкурус биллэриллибит. Куонкурус түмүгүнэн «ATRIUM/Восток+» кыайыылааҕынан тахсыбыт уонна паарканы тутар буолбут.
«Бүгүҥҥү туругунан, бырайыагы оҥорууну уонна судаарыстыбаннай экспертизаны аастыбыт. Паарканы олоххо киллэрии уопсай суумата 1,5 млрд. солк. кэриҥэ буолла. Үбүлээһинин хас сыл аайы социальнай эбийиэктэри үбүлээн туттарар «АЛРОСА» АХ уйунар. Бүгүн түһэрсиллэр Сөбүлэҥ – архитектуратынан, ис хоһоонунан, тас көстүүтүнэн да оҕо, ыччат дьон, куорат бары олохтоохторун уонна ыалдьыттарын ураты болҕомтотун тардар эбийиэги тутууга бастакы хардыы буолар», – диэн эттэ СӨ Бырабыыталыстыбатын бэрэссэдээтэлин солбуйааччы Сергей Местников.
“Үүнэр көлүөнэ паарката” бырайыак «100 городских лидеров» диэн, Стратегическай көҕүлээһин Агентствота (АСИ) тэрийэр, 2000 кыттааччылаах акселерационнай куонкуруһугар 15 ТОП (бастыҥ) иһигэр киирбитэ бэлиэтэннэ. Маны сэргэ, паарка бырайыага быйыл “Architectural Review Future Project Awards 2021” диэн норуоттар икки ардыларынааҕы бириэмийэ “Уопсастыбаннай уонна гражданскай тутуу” номинациятыгар кыттан кыайыылааҕынан тахсыбыт.

Сонуннар

Ордук ааҕаллар

Саха АССР 100 сылыгар – 100 оптуобус
Сонуннар | 11.10.2021 | 16:30
Саха АССР 100 сылыгар – 100 оптуобус
Саха АССР төрүттэммитэ 100 сылын көрсө өрөспүүбүлүкэ Дьокуускай куоракка уонна  оройуоннарга уопсастыбаннай тырааныспары саҥардара былааннанар. Бырайыак оробуочай аата – «Саха АССР 100 сылын көрсө 100 оптуобус».  «Кэлэр нэдиэлэҕэ тырааныспар Министиэристибэтин уонна Дьокуускай куорат Уокуруктааҕы дьаһалтатын бииргэ үлэлээһиннэрин түмүгэ тахсан, өрөспүүбүлүкэ газомоторнай оттукка сылдьар оптуобустары аҕалар туһунан сөбүлэҥҥэ илии баттыаҕа», –...
Соһуччу булт
Сынньалаңңа | 11.10.2021 | 16:00
Соһуччу булт
Оҕо сылдьан сарсыарда уһуктаат, таһырдьа ойон тахсар дьикти идэлээх этим. Хайдах халлаан буолбутун билэ охсоору дуу, күнү көрө охсоору дуу буолуо, арааһа. Оннук биир күннээх сайыҥҥы сарсыарда эрдэ туран сыһыыга киирэн, күрүө үрдүгэр хатаастан, куолубунан сыһыы уҥуорун, халлааҥҥа дьирибинии турар күөрэгэйи, сыһыыга мэччийэр ынахтары-сылгылары көрө-истэ олордум. Арай ынахтар ортолоругар дьиибэ...
Саха сиригэр Бүтүн Арассыыйатааҕы нэһилиэнньэ биэрэпиһин контролердарын үөрэтэллэр
Сонуннар | 13.10.2021 | 10:00
Саха сиригэр Бүтүн Арассыыйатааҕы нэһилиэнньэ биэрэпиһин контролердарын үөрэтэллэр
Алтынньы 4 күнүттэн Саха сирин территориятыгар Бүтүн Арассыыйатааҕы нэһилиэнньэ биэрэпиһин контролердарын үөрэтии ыытыллар. Муниципальнай оройуоннар контролердарыгар үөрэтии онлайн эрэсииминэн, «Дьокуускай куорат» уонна «Жатай» куораттааҕы уокуруктарыгар – очнай көрүҥүнэн диэн иһитиннэрэр СӨ Федеральнай судаарыстыбаннай статистика сулууспатын Территориальнай уоргана.  Нэдиэлэ саҥатыттан контролердар Дьокуускай куорат таһынааҕы нэһилиэнньэлээх пууннарга, куорат уокуруктарыгар уонна  «Жатай» куораттааҕы...
Хаппыыстаны араастаан астыахха
Тускар туһан | 11.10.2021 | 13:00
Хаппыыстаны араастаан астыахха
Беконнаах хаппыыста Састааба: 1 орто хаппыыста; 3 ост. нь. мас арыыта (эбэтэр оливковай арыы); туус; хара биэрэс; бекон. Хаппыыста тас сэбирдэхтэрин ылабыт, сууйабыт. Түөрт аҥыы хайытан бысталыыбыт. Кытаанах төрдүн быһан ылан быраҕабыт. Хас биирдии чааһын аҥаардыыбыт уонна духуопка илииһигэр сааһылаан уурабыт. Үрдүгэр арыыны таммалатабыт, туустуубут-тумалыыбыт. Бекон ломтиктарын аҥаардыыбыт уонна хаппыыстабыт...