28.04.2021 | 22:30

Үүнэр көлүөнэҕэ эр санаа уруоктара

Үүнэр көлүөнэҕэ эр санаа уруоктара
Ааптар: Киин Куорат
Бөлөххө киир

Чернобыллааҕы АЭС саахалланыытын 35 сылын көрсө Мэҥэ Хаҥалас улууһун уонна Дьокуускай куорат Росгвардия шефтэһэр оскуолаларыгар эр санаа уруоктара ыытылынна. 
Погоннаах ыалдьыттар үөрэнээччилэргэ атомнай энергетика историятыгар саамай улахан саахал уонна онно үлэлэспит, бэйэлэрин доруобуйаларын, олохторун толук уурбут хорсун дьон туһунан кэпсээтилэр. 
Чернобыльга буолбут алдьархайга сокуону араҥаччылыыр, бэрээдэги көрөр сулууспа үлэһиттэрэ аан бастакынан көмөҕө кэлбиттэрэ, саахал түмүктэрин туоратыыга бэриниилээхтик үлэлээбиттэрэ бэлиэтэнэр. Ол курдук, сэрэхтээх эбийиэктэри харабыллаабыттар, Припять куорат нэһилиэнньэтин көһөрбүттэр, ким да хаалбатын курдук куораты манаабыттар. 
«Кинилэр хорсун быһыыларын мэлдьи ытыктабыллаахтык өйдүү-саныы сылдьыах тустаахпыт. Ол саҕана ким даҕаны хорсун быһыыны оҥоробут дии санаабат этэ. Барыта оннук буолуохтааҕын курдуга. Туох баар өй-санаа, күүс-уох алдьархайдаах саахал түмүктэрин туоратарга, дьону быыһыырга, көмөлөһөргө туһаайыллыбыта. Эһиэхэ хас биирдиигитигэр Ийэ дойдуга тапталы, төһө кыалларынан дьоҥҥо көмөлөһө сылдьаргытыгар баҕарабын”, – диэн 2-с рота хамандыыра, полиция майора Алексей Сатыров оҕолорго туһаайан эттэ. 
Ити курдук полиция үлэһиттэрэ үүнэр көлүөнэни патриотическай тыыҥҥа иитиигэ бэйэлэрин сэмэй кылааттарын киллэрэллэр.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.