07.05.2020 | 10:33

Нэдиэлэтээҕи гороскоп. Ыам ыйын 7-14 күннэрэ.

Нэдиэлэтээҕи гороскоп. Ыам ыйын 7-14 күннэрэ.
Ааптар: Киин Куорат

Бараан

Бу нэдиэлэҕэ тугу эрэ уларытар туһунан толкуйдан. Урут оҥорботоххун ылсыаҥ. Онуоха тиэтэйимэ, саҥаҕа үөрэнэриҥ ордук. Үлэҕэр этиһии тахсыан сөп, онон тэйиччиттэн сырыт, салайааччыҥ хараҕар киирэн биэримэ. Нэдиэлэ бүтэһигэр кистэлэҥ былааннарыҥ олоххо киириэхтэрин сөп. Өрөбүллэргэ холкутуйуоҥ, сынньанаргар бириэмэ көстүө.

Оҕусчаан

Ситиһии кэлиэ, ол гынан баран элбэх күүһү уонна бириэмэни эрэйиэ. Бэйэҕэр эрэ эрэнэриҥ наада. Дьыалабыай партнердаргын уонна кэллиэгэлэргин кытта биир тылы бул, кинилэр интэриэстэрин эмиэ учуоттаа. Үлэҕин аҕыйат, аа-дьуо сылдьарыҥ ордук. Тус олоххор ким эрэ албыныгар киирэн биэриэххин сөп.

1нИгирэлэр

Саҥа бырайыактаргыттан анньынан, сыалгын ситиһэргэр өссө биир хардыынан чугаһыаҥ. Куһаҕан үчүгэйэ суох диэбиккэ дылы, туох да  буолбутун иһин, барыта этэҥҥэ ааһыаҕа. Интэриэһинэй идеялар уонна үтүө сыһыан олорор усулуобуйаҕытын тупсарыа. Өрөбүллэргэ соҕотох эбэтэр чугас дьонноргун кытта сылдьарыҥ наада. Эйигин таптыылларын уонна сыаналыылларын итэҕэйиэҥ.

Араак

Карьера кирилиэһинэн өрө тахсарга табыгастаах балаһа саҕаланар. Саҥа былааннар, кэскиллэр, идеялар үөскүөхтэрэ, биллэн турар, онтон санааҥ эмиэ көтөҕүллүө. Тус олоххор соһуччу түгэннэр күүтэллэр, ким эрэ сөбүлүү көрүө. Бээтинсэҕэ настарыанньаҥ уларыйа туруон сөп, онон сорох көрсүһүүлэри, кэпсэтиилэри аҕыйатарыҥ ордук.

Хахай

Бэнидиэнньик соҕотохсуйарга уонна толкуйдуурга, оптуорунньук – туох эрэ чинчийиини ыытарга табыгастаах буолуоҕа. Оптуорунньукка бары эйгэҕэ ситиһии күүтэр, дьон махталын ылыаххыт. Чэппиэргэ дьиэ кэргэҥҥэр иирсээн тахсыан сөп. Тус олоххор үлэҕиттэн сылтаан, кыра кыһалҕалар үөскүөхтэрэ. Өрөбүлгэ быһыыттан-майгыттан тэйиччи сырыт, бу күн ыраахтан кэтээн көрө сылдьарыҥ ордук.

Кыыс Куо

Түргэн уонна дьоһуннаах быһаарыылары ирдиир уустук нэдиэлэ. Күүтүллүбэтэх түгэннэр былааҥҥын ыһыахтарын сөп. Оптуорунньук бары өттүнэн ситиһиилээх буолуо диэн эрэннэрэллэр. Чуолаан, бэйэҥ быһаарыыгын эмискэ уларытар кыаҕыҥ суох буоллаҕына. Өрөбүллэргэ чугас дьонуҥ кыра аайыттан эйиэхэ кыйыттыахтара, ол да буоллар дьиэ кэргэҥҥэр эйэни олохтуурга дьулус.

Ыйааһыннар

Үлэҕэр барыта этэҥҥэ. Үп дьыалатыгар уонна бизнескэ ситиһии кэлэрин күүт. Ол гынан баран, тугуҥ эрэ тиийбэт, итэҕэс курдук. Эйигин бэйэҕин таарыйар иһитиннэрииттэн сэрэхтээх буол. Ордук-хос саҥара сылдьыма. Кэтии-маныы сырыт, толкуйдаах, муударай буоларыҥ наада. Тус олоххор соһуччу көһүтүллүбэтэх уларыйыы буолуон сөп, дьиэ кэргэн ыһыллар түгэнигэр тиийэ.  

Ооҕуй

Бу нэдиэлэҕэ карьераҕын үрдэтэр инниттэн, былааннаргын  кэллиэгэлэргин кытта олоххо киллэрэ сатаа. Эһиги хайа баҕарар киһини мэктиэлиир кыахтааххыт, дьон эһиэхэ көмөлөһөргө уонна эрэнэргэ бэлэм. Чиэһинэйдик үлэлээбитиҥ иһин, баай, барыс күүтэр. Эбиитин тапталгыт табыллар. Эйигин элбэх нарын-намчы билинии күүтэр. Онон бириэмэҕин иккиэ буолан атаар.

Охчут

Дьайыыларгар уонна тылгар-өскөр болҕомтолоох буол. Көмүс ортону көрдөөһүн бу күннэргэ сүрүн дьарык буолуохтаах. Ханнык да этии, толкуйа суох быһыы-майгы улахан охсууну аҕалыа. Нэдиэлэ ортотугар үөскээбит быһыыны-майгыны салайар кыах үөскүөҕэ, бу инники өттүгэр сабыдыаллыаҕа. Субуотаҕа доҕоттору кытта көрсүһүү үгүс үтүө түгэннэри эрэннэрэр.

Чубуку  

Тугу эрэ сыыһа оҥоробун диэн билиниэҥ. Ол гынан баран манта суох үлэҕэр, тус олоххор да кыһалҕалар быһаарыллыбаттар. Сыыһа-халты туттубат бытархай дьыалаларынан дьарыктан. Кэллиэгэлэргин кытта ыраахтан сибээс, видеоконференция нөҥүө кэпсэтии, сүбэлэһии үчүгэйдик ааһыаҕа. Өрөбүллэргэ доҕотторгун кытта уустук сыһыан үөскүөн сөп, сорохторо күүппэтэх өттүгүттэн кэлэн соһутуо.

Күрүлгэн

Бу нэдиэлэҕэ үлэҥ кээмэйэ улаатыа, ол эрээри кыаҕыҥ иһинэн эрэ толор. Элбэх эбээһинэһи бэйэҕэр сүктэримэ. Билигин үлэҕит- хамнаскыт таһыма үрдүк эрээри, тулалыыр дьонуҥ эйигин ситиэхтэрэ ыраах. Бэйэ санааҕын соҥноомо, мантан сылтаан этиһии тахсыан сөп. Дьиэ кэргэн олоҕор барыта баҕарбытыҥ курдук буолбат. Ол эрээри быһыыны-майгыны урууллуур кыахтааххын.

Балыктар

Бу нэдиэлэҕэ кыра аайы кыыһырыма, бэйэҕин туттуна сырыт. Сэрэдэҕэ дьыалабыай көрсүһүүлэри, кэпсэтиилэри былааннаама. Нэдиэлэ иккис аҥаарыгар туох эрэ саҥаҕа үөрэниэҥ, саҥа иһитиннэриилэри ылыаҥ, былааныҥ уларыйыан сөп. Үлэҥ үгүс бириэмэҕин ылыа, онон дьиэ кэргэниҥ иккис миэстэҕэ тэбиллиэн сөп. Оттон оҕолоруҥ эн көмөҕөр наадыйыахтара. Өрөбүллэргэ дьиэҕитигэр туох эрэ наадалаах тэрили атыылаһан, настарыанньаҥ тупсуоҕа.

Сонуннар

Ордук ааҕаллар

«Sakhalifting» тардынааччылара сөхтөрөллөр
Спорт | 14.01.2022 | 20:42
«Sakhalifting» тардынааччылара сөхтөрөллөр
Ханна да тиийдэххэ, физкультуранан уонна спордунан утумнаахтык дьарыктанааччылар бааллар.  Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...
Люба Готовцева:  «Киһи биир сиргэ тэпсэҥнии туруо суохтаах»
Дьон | 14.01.2022 | 20:54
Люба Готовцева: «Киһи биир сиргэ тэпсэҥнии туруо суохтаах»
Киһи олорорун тухары төһөлөөх элбэх киһини кытта билсэрэ, алтыһан ааһара буолуой?! Оттон суруналыыс буоллаххына, өссө элбэх киһини кытта көрсөҕүн, кэпсэтэҕин. Олоххор алтыспыт дьоҥҥун аны туран барыларын кытта сибээс туппаккын, ол эрэн искэр киллэрэн, олус үчүгэйдик саныы сылдьаҕын. Мин Любалыын, таптаан ааттыырбынан Любушкалыын, 2000 сыллар саҥаларыгар билсибитим. Онтон ыла хайдах эрэ...
Муус устар 10 күнүгэр диэри 100 саҥа оптуобус кэлиэҕэ
Сонуннар | 13.01.2022 | 16:00
Муус устар 10 күнүгэр диэри 100 саҥа оптуобус кэлиэҕэ
100 саҥа оптуобустан 65-һэ ЯПАК МУТ маршруттарынан, 10 – муниципальнай тэриллиилэр икки ардыларыгар сылдьыахтара, оттон 35 оптуобуһу «Союз Авто» кэмиэрсийэтэ суох тэрилтэ чааһынай таһааччылара ылаллар. Бу туһунан Олохтоох дьаһалта пресс-сулууспата иһитиннэрдэ.  «Организатор пассажирских перевозок» МХТ информациятынан, 100 саҥа тиэхиньикэ икки түһүмэҕинэн кэлэр. Бастакы баартыйа кулун тутар 27 күнүгэр диэри, иккис...
Евгений Григорьев Арассыыйа бэчээтин Күнүнэн эҕэрдэлиир
Сонуннар | 13.01.2022 | 11:58
Евгений Григорьев Арассыыйа бэчээтин Күнүнэн эҕэрдэлиир
Убаастабыллаах суруналыыстар, сонуннары киэҥник тарҕатар сириэстибэлэр үлэһиттэрэ! Олохтоох дьаһалта салалтатын уонна тус бэйэм ааппыттан эһигини Арассыыйа бэчээтин Күнүнэн эҕэрдэлиибин! Аныгы уопсастыбаҕа эһиги үлэҕит суолтатын сыаналыыр уустук: бары олох оргуйар үөһүгэр сылдьабыт – биһигини күн аайы үчүгэй уонна оччото суох сонуннар арыаллыыллар. Дьон үксэ сарсыардатын интэриниэт сонуннарыттан саҕалыыр, сүрүн суолталаах сонуннары...