07.12.2021 | 16:00

Нэдиэлэ устата 296 эбийиэк бэрэбиэркэлэммит

Нэдиэлэ устата 296 эбийиэк бэрэбиэркэлэммит
Ааптар: Киин Куорат
Бөлөххө киир

Сэтинньи 29 күнүттэн ахсынньы 5 күнүгэр диэри салалта территориальнай уорганнарын исписэлиистэрэ уонна олохтоох дьаһалта Суһал штабын холбоһуктаах бөлөҕө  киин куоракка 296 эбийиэги бэрэбиэркэлээбиттэр, ол иһигэр 38 оптуобуһу уонна 82 түүҥҥү тэрилтэни. Эриэйдэ түмүгүнэн санитарнай миэрэлэри кэһии 15 түбэлтэтэ биллибит, ол иһигэр 5 түүҥҥү саататар тэрилтэлэргэ. Бу туһунан Уокуруктааҕы дьаһалта пресс-сулууспата иһитиннэрдэ.
Санитарнай миэрэлэри кэһии үксүн түүҥҥү саататар тэрилтэлэргэ тахсар диэн бэлиэтээбит Административнай хамыыһыйа бэрэссэдээтэлэ Феликс Антонов.
««Контакт» баарга үлэ эрэсиимэ тутуһуллубат, элбэх киһи мунньустар. Итини таһынан, үлэһиттэр клиеннэри мааската суох көрсөллөр, социальнай дистанция бэлиэтэ оҥоһуллубатах, онон аактаны толордубут», – диэтэ  Феликс Антонов.
Үлэ эрэсиимин кэһии иһин аакталары «Voblako» паардаах коктейль Киинигэр, «ПивХаус» баар-маҕаһыыҥҥа, «Контакт» баарга, «Hajime» түүҥҥү кулуупка сыһыаннаах толорбуттар.
Эриэйдэ устата 70 сэрэтэр бэсиэдэ ыытыллыбыт уонна СӨ КоАП 3.8 ыстатыйатынан 3 боротокуол толоруллубут.
Октябрьскай уокурукка 20 эбийиэк бэрэбиэркэлэммит, Сайсары – 16, Киин – 25, кэһии тахсыбатах, оттон Автодорожнай, Гагаринскай, Губинскай, Промышленнай уонна Строительнай уокуруктарга кэһиилэр булуллубуттар.
Суһал штаб холбоһуктаах бөлөҕө  45 эбийиэги бэрэбиэркэлээбит, ол иһигэр 38 оптуобуһу, 5 кэһии булуллубут.
Нэдиэлэ устата чуумпуну кэһии уонна гражданнар сынньалаҥнарыгар мэһэйдээһин, санитарнай харыстанар сириэстибэлэрэ суоҕун, тупсарыы быраабылаларын кэһии уонна мууска тахсыы иһин боротокуоллар толоруллубуттар.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...