31.01.2023 | 11:02

Нэһилиэнньэни оптуобус сырыытын тупсарыыга кыттарга ыҥыраллар

Нэһилиэнньэни оптуобус сырыытын тупсарыыга кыттарга ыҥыраллар
Ааптар: Киин Куорат
Бөлөххө киир

Балтараа сылынан куорат оптуобустара атын, уларыйбыт, быдан табыгастаах маршруттарынан сүүрүөхтэрэ диэн «Киин куорат» ааспыт нүөмэрдэригэр суруйан турабыт.  Маныаха https://yakutsk-transport.ru/ сыылканан киирэн, куорат уопсастыбаннай тырааныспарын саҥа бырайыагын кытта билсиһэргэ уонна бэйэҕит санааҕытын, этиилэргитин суруйарга ыҥыраллар. Холобура, маршруттары уларытар, көдьүүһэ, табыгаһа суох дии саныыргытын суох гынар туһунан кытта этии киллэриэххэ сөп. Эспиэрдэр киирбит этиилэри барытын сиһилии үөрэтэн, чинчийэн, ордук тоҕоостоохторун куорат уопсастыбаннай тырааныспарын саҥа систиэмэтигэр туһаныахтара. Этиилэри уонна баҕа санаалары 2023 сыл олунньу 5 күнүгэр диэри күүтэллэр.  Биллэрин курдук, 2024 сыл сааһыгар Дьокуускай куорат оптуобустара бары саҥа систиэмэҕэ көһөөрү тураллар. Чуолаан, маршруттары үс бөлөххө араарар былаан баар: бастакы бөлөх – сүрүн уулуссаларынан cүүрэр маршруттар, манна 4-6 маршрут сылдьар; иккис бөлөх — куорат кытыытыттан киин уулуссаларга киирэр оптуобустар, 5-6 маршрут сабаҕаланар; үһүс бөлөх — куорат биир оройуонуттан атын оройуонугар сылдьар маршруттар, манна 10-ча маршруту туруорар былаан баар. Маннык быһаарыныыга куорат дьаһалтата улахан чинчийэр үлэ түмүгүнэн куорат оптуобустарын билиҥҥи маршруттара нэһилиэнньэ элбиирин, куорат кэҥиирин кытта дьүөрэлэспэтин иһин кэлбит. Ону тэҥэ, холобура, маршрукка төһө  элбэх пассажир сылдьарыттан оптуобус пааркатын саҥардыы, суоппардар хамнастара, саппаас чааһы атыылаһыы барыта тутулуктааҕынан, аҕыйах пассажирдаах маршуттар ночоокко үлэлээбэттэрин хааччыйар туһуттан ылыллыбыт дьаһал.

Сонуннар

Ордук ааҕаллар

Саллаат таҥарата — ийэтэ, кэргэнэ
Сонуннар | 08.03.2024 | 09:30
Саллаат таҥарата — ийэтэ, кэргэнэ
Наталья Андреевна Охлопкованы анал байыаннай дьайыыга сылдьар уолаттар олус убаастыыллар, ытыктыыллар, олох дьоруой курдук саныыллар диэни истэн баран, булан кэпсэтэргэ санаммытым уонна, чахчы да, дьоруойдар тыылга эмиэ бааллар эбит диэн санааҕа кэллим.
Хатаска саҥа спорт комплекса арылынна
Сонуннар | 13.03.2024 | 14:09
Хатаска саҥа спорт комплекса арылынна
Хатас урут даҕаны, билигин даҕаны чөл-чэгиэн дьонунан тутахсыйбатаҕа. Ол гынан баран ол туһугар усулуобуйа наадатын бары да өйдүүбүт. Иллэрээ күн, кулун тутар 12 күнүгэр, баҕа санаа туолара маннык эбит диэххэ диэри сабыс-саҥа “Дьулуур” спорт комплексын киэҥ уораҕайа аанын тэлэччи арыйда. Этиллибит кэмҥэ дьон устар сүүрүктүү хотоҕостуу субуллан, 400 миэстэлээх саала...
Норуот эмтиэкэтэ
Тускар туһан | 08.03.2024 | 12:00
Норуот эмтиэкэтэ
Аныгы үйэ буолан үгүспүт социальнай ситимнэри ааҕар, туттар, кэтиир-маныыр. Манна наадалаах, туһалаах сүбэлэр хото суруллаллар. Ону биһиги бүгүн ааҕааччыларбытыгар дьиҥнээхтии көмөлөспүт дьон суруйбуттарын, айылҕалаахтар да эппиттэрин көрөн бэчээттиэхпит. Ол эрээри, барытын туттан, туһанан испэккитигэр сүбэлиибит, бэйэҕит эккит-сииҥҥит тугу ирдиирин, быраас сүбэтин тутуһаргыт ордук.   Куртах бааһын (язва) оһордор ас туһунан Устудьуоннуу...
Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.