22.10.2021 | 17:00

Нэһилиэнньэ биэрэпиһигэр Саха сирэ инники күөҥҥэ сылдьар

Нэһилиэнньэ биэрэпиһигэр Саха сирэ инники күөҥҥэ сылдьар
Ааптар: Киин Куорат
Бөлөххө киир

Саха Өрөспүүбүлүкэтэ РФ субъектарын ортотугар биэрэпискэ көхтөөх кыттыынан инники күҥҥэ сылдьар – региоҥҥа нэһилиэнньэ   23% суруллубут. Бу туһунан алтынньы 21 күнүгэр Мурманскайга ыытыллыбыт биэрэпис бастакы нэдиэлэтин түмүктэрин сырдатар брифиҥҥэ Росстат салайааччытын солбуйааччы Павел Смелов иһитиннэрбит. 
Арассыыйа үрдүнэн 14 мөл. олохтоох суруйтарбыт,  «Госуслуги» портал нөҥүө – 11 мөл. киһи.  
«Портал нөҥүө биэрэпис дойду олохтоохторо саҥа цифровой көрүҥҥэ бэлэмнээхтэрин көрдөрдө. Сорох регионнарга Интэриниэт нөҥүө 10% тахса нэһилиэнньэ суруйтарбыт. Сотору кэминэн бары регионнар ити кирбиигэ тиийиэхтэрэ. Билигин ити көрдөрүүнү 20%-30% тиэрдэр сорук турар», – диэтэ Павел Смелов.
Электроннай көрүҥүнэн төһө да элбэх киһи суруйтарбытын иһин «Госуслуги» портал штатнай эрэсииминэн үлэлиирэ, кэһиллии тахсыбата бэлиэтэннэ.
Биэрэпиһи ааспыт дьон уопсай ахсаанынан бастыҥнар ахсааннарыгар сылдьаллар: Саха Өрөспүүбүлүкэтэ – 23%, Тульскай уобалас – 21%, Крым Өрөспүүбүлүкэтэ – 19,6%.
Санатан эттэххэ, нэһилиэнньэ биэрэпиһин сүрүн түһүмэҕэ 2021 сыл алтынньы 15 күнүттэн сэтинньи 14 күнүгэр диэри ыытыллар. Гражданнар биэрэпиһи дьиэлэригэр, биэрэписчиги кэтэһэн суруйтарыахтарын, эбэтэр биэрэпис учаастагар кэлэн уонна алтынньы 15 күнүттэн сэтинньи 8 күнүгэр диэри Судаарыстыбаннай өҥө порталын нөҥүө биэрэпиһи ааһыахтарын сөп.

Сонуннар

Ордук ааҕаллар

Оҕуруо абылаҥар ылларбыт Роза Спиридонова
Дьон | 31.05.2024 | 14:00
Оҕуруо абылаҥар ылларбыт Роза Спиридонова
Роза Яковлевна Спиридонова Дьокуускай куорат 39 №-дээх «Ромашка» уһуйааныгар музыкальнай салайааччынан үлэлиир. Бүгүҥҥү сэһэргэһээччим, чахчы, талба талааннаах киһи. Кини оҕуруонан үлэлэрэ ханнык да көмүс оҥоһуктан хаалсыбаттар. Роза Яковлевна Ньурба Маалыкайыттан төрүттээх. Эбэтэ уонна ийэтэ суохтан баар оҥорор, кыраттан да элбэҕи айан таһаарар, эргэни саҥа тыынныыр сатабыллаах хаһаайкалар, көмүс тарбахтаах иистэнньэҥнэр...
Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...