Нэһилиэнньэ 52 бырыһыана кириип быһыытын ылла

Өрөспүүбүлүкэ олохтоохторун улахан аҥаарда кириип утары быһыыны ыллылар.

Бүгүҥҥү күҥҥэ нэһилиэнньэ 52 %-на быһыы ылла, ол иһигэр оҕолор 62,3 %-ра уонна улахан дьон 45,4 %-ра.

Медицинэ, үөрэҕирии, олох-дьаһах коммунальнай хаһаайыстыбатын уонна олоҕу хааччыйар салаа үлэһиттэрэ бастакынан кириип утары быһыыны ыллылар. Ону тэҥэ социальнай тэрилтэлэр үлэһиттэрэ уонна 65-тэн аҕа саастаах нэһилиэнньэ хабылынна.

Роспотребнадзор өрөспүүбүлүкэтээҕи салаатын салайааччыта Маргарита Игнатьева бэлиэтииринэн, ОРВИ уонна кириип күүскэ тарҕанар кэмэ саҕаламмытынан быһыыны туруоруу хампаанньата салҕыы ыытыллар.