Настарыанньа көтөҕөргө

Дьоҥҥо көмөлөс

 Соҕотох эмээхситтэргэ-оҕонньотторго, тулаайах оҕолорго, хаһаайына суох кыылларга кыра да буоллар тугунан эмэ көмөлөстөххүнэ, бэйэҥ астыныаҥ.

Тугу эмит атыылас, бэйэҕин үөрт

Киһи кыраны да атыыластаҕына, оҕо курдук үөрэр. Баҕа санаа ухханыгар ылларан , түбүк, бытархай кыһалҕа туһунан умна быһыытыйар.

Ситиһиигин аах

Көмпүүтэри үчүгэйдик баһылаатыҥ? Ыйааһыҥҥын 5 киилэни холкутук бырахтыҥ? Массыына ыыта үөрэнниҥ? Дьэ, оччоҕо ити ситиһиилэргин сурунар кэм уолдьаспыт. Сотору кэминэн суруммутуҥ хойдон бардаҕына, үөрүүҥ-көтүүҥ үксүө.

Сууна сылдьан ыллаа

Уйулҕа үөрэхтээхтэрэ баанньыктана, сууна-тараана сылдьан ырыа абылаҥар ылларар туохтааҕар да көдьүүстээх ньыма дииллэр. Манна эн төһө куоластааҕыҥ, ырыаһытыҥ-ырыаһыта суоҕуҥ оруолу оонньообот. Ыллыыр киһи тыынара тупсар, куолаһа чөллөрүйэр.

Төрөөбүт күҥҥүн бэлиэтээ

Төрөөбүт күн – бэйэҥ тускунан кэрэ тыллары истэр бэртээхэй ньыма! Сылга биирдэ буолар үтүө күнү туһалаахтык атаар!

«Чөл буолуу кистэлэҥнэрэ” халандаартан бэчээттэннэ