Национальнай бырайыагынан 85 суол оҥоһулунна

“Ил Дархан Айсен Николаевы кытта Дьокуускай суолларын көрүү-истии, үлэлэтии тула көрсөн кэпсэттибит. “Хаачыстыбалаах уонна куттала суох айан суоллара” национальнай бырайыак үбүлээһининэн биһиги куораппытыгар 85 суол оҥоһуллубут, тротуардар, газоннар тутуллубуттар. Аны маны барытын сөптөөхтүк көрүөххэ-истиэххэ наада, онуоха үбүлээһин быһаарыллыахтаах. Айсен Сергеевич тустаах биэдэмистибэлэри кытта үлэлээн, 2023 сылга бу суоллары көрүүгэ үбүлээһини тобуларга сорук туруорда”, - диэн баһылык “ВКонтакте” социальнай ситимҥэ быһа эпииргэ кэпсээтэ. Баһылык быһа эпиирин толору манна көрүөххэ сөп: https://vk.com/id710173374.