Национальнай бэчээт күнүнэн!

Саха Өрөспүүбүлүкэтин суруналыыстарын Сойууһун бырабылыанньатын аатыттан биир идэлээхтэрбитин, ытык дьоммутун суруналыыстыка бэтэрээннэрин бүгүҥҥү бэлиэ күнүнэн, Национальнай Бэчээт күнүнэн истиҥник эҕэрдэлиибин!
От ыйын өҥүрүк куйааһа сыыдам сырыылаах, сытыы бөрүөлээх, сырдык ыралаах суруйар идэлээх, хаһыат-сурунаал-кинигэ эйгэтигэр тус  идэлээх дьону, сонуну  кэпсээн, буолбут быһыыны-майгыны тиэрдэн, кэнэҕэски саҕахтары анааран көрөн, үтүөнү эрэ үөдүтэр үтүөкэннээх дьарыкпытын кытта ситимнээҕэ биһиэхэ олус чаҕылхай холобур!
Бэчээт эйгэтигэр кэллиэгэлэрбит! Баҕарабыт эһиэхэ бары үчүгэйи! Күннэтэ уларыйар, тэтимнээхтик сайдар, тохтоон турбат олохпут ахсым аттарыгар олорсон инникигэ эрэллээх, кэнникигэ ытыктабыллаах сыыйылыннаран иһиэҕиҥ диэн сахалыы айхаллаатахпыт буоллун! Ситиһии сырсан кэлэн истин, сонун-нуомас кэһиигэ үөрээччи үксээн истин!
Сахабыт бэчээтин күнүнэн истиҥ эҕэрдэ!  Сахалыы бэчээт, сурук үйэлэргэ сайда турдун!

Галина Бочкарева, 
СӨ суруналыыстарын Сойууһун бэрэссэдээтэлэ