21.03.2021 | 16:28

МУЗЫКА КЫНАТТААХТАР

МУЗЫКА КЫНАТТААХТАР
Ааптар: Киин Куорат

2 №-дээх Оҕо искусствотын оскуолатын историята 1944 сыллаахха Дьокуускай куоракка Өрөспүүбүлүкэтээҕи оҕо музыкальнай-хореографическай оскуолата тэриллиэҕиттэн саҕаламмыта. Үгүс музыкальнай каадыры иитэн-такайан таһаарбыт, көччөх гынан көтүппүт кыһа аһыллыытыгар сүдү кылааты киллэрбит киһинэн Саха АССР искусстволарын үтүөлээх деятелэ, биллиилээх композитор Марк Николаевич Жирков буолар.

1994 сыллаахха Өрөспүүбүлүкэтээҕи оскуола аата уларыйан, Дьокуускай куораттааҕы оҕо музыкальнай оскуолата диэн буолбута. Онтон 2012 сыллаахтан  2 №-дээх Оҕо искусствотын оскуолата аатын сүгэр. 

Ульяна Семеновна ТАЙШИНА, үөрэтэр-иитэр үлэҕэ дириэктэри солбуйааччы:

  • Биһиги оскуолабыт – оҕо аймах сөбүлээн дьарыктанар кыһата. Аныгылыы тупсаҕай тутуулаах саҥа дьиэҕэ көспүппүт. Онон үөрүүбүт муҥура суох улахан.

Оскуолабыт 313 миэстэлээх. 6,5-тан 9-гар диэри саастаах оҕолор 8 сыл, 10-12 саастаахтар 5 сыл үөрэнэллэр.  

Аҕыс сыллаах үөрэх бу хайысхаларынан ыытыллар:

  1. Фортепиано;
  2. Струналаах инструменнар (скрипка, виолончель);
  3. Хоровой ырыа;
  4. Хореографическай айымньы.

Биэс сыллаах үөрэххэ “Музыкальнай фольклор” (хомус) салаата баар.

Оҕолору саастарыттан көрөн, бу хайысхаларга 5 уонна 8 сыллаах бырагыраамаларга үөрэтэбит: духовой уонна охсуллар инструменнар (флейта, кларнет,  саксофон, труба, о.д.а.), норуот инструменнара (домра, балалайка, гитара, аккордеон, баян).

Хас биирдии выпускникка свидетельство туттарыллар. Кинилэр салгыы орто анал үөрэх тэрилтэлэригэр киириэхтэрин сөп. 

Биһиги оскуолабытын араас сылларга билигин биллэр-көстөр идэтийбит музыканнар, композитордар, театр солистара, оркестр артыыстара бүтэрбиттэрэ диэн киэн тутта кэпсиибит. Сорохтор Саха сирин араас муннуктарыгар музыкальнай үөрэх тэрилтэлэригэр ситиһиилээхтик үлэлии сылдьаллар. Кинилэр истэригэр Саха Өрөспүүбүлүкэтин норуодунай артыыһа Айталина Адамова, норуодунай артыыс Григорий Петров уо.д.а. бааллар. Ону таһынан саха эстрадатын чаҕылхай сулустара Саина, Уля Сергучева-Күннэй биһиги кыһабытыгар уһуйуллубуттара.    

Хаартыскалар https://dshi2.saha.muzkult.ru/ сайтан ылылыннылар

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.