Муус устар 27 күнэ – Саха Өрөспүүбүлүкэтин күнэ!

1922 сыл муус устар 27 күнэ Саха сирин хас биирдии олохтооҕугар сүҥкэн историческай суолталаах. Бу күн биһиги Саха АССР төрүттэспит биллиилээх судаарыстыбаннай деятеллэрбит Былатыан Ойуунускай, Максим Аммосов, Исидор Барахов, Степан Аржаков уонна кинилэр биир санаалаахтарын ааттарыгар сүгүрүйэбит.
Саха Өрөспүүбүлүкэтин күнүнэн ыытыллар сүрүн тэрээһиннэр:
– Кулун тутар ыйтан «Арассыыйа – мин историям» музейга биллиилээх судаарыстабаннай деятель И.Н. Бараховка аналлаах быыстапка ыытылла турар;
– Муус устар 12 – ыам ыйын 12 күннэригэр «SMART-библиотекаҕа» (Ларионов уул., 12 А) «Алыптаах тыл» быыстапка ыытыллар;
– Муус устар 17 – 30 күннэригэр куорат бары уокуруктарыгар кинигэ быыстапкалара, интеллектуальнай оонньуулар, үөрэх кыһаларыгар кылаас чаастара ыытыллаллар;
– Муус устар 21 – 28 күннэригэр СӨ Национальнай библиотекатыгар оскуола оҕолоругар кылаас чаастара ыытыллаллар;
– Муус устар 24 – 30 күннэригэр Нам улууһун Хатырык нэһилиэгэр Саха Өрөспүүбүлүкэтин судаарыстыбаннаһын музейыгар анал быыстапка буола турар;
– Муус устар 25 – 28 күннэригэр Таатта улууһун Чөркөөх нэһилиэгэр П.А. Ойуунускай аатынан Судаарыстыбаннас музейыгар «Мин Өрөспүүбүлүкэм» музей уруоктара буола тураллар;
– Муус устар 25 – ыам ыйын 9 күннэригэр А.Е. Кулаковскай аатынан Норуот айымньытын дьиэтигэр куукула быыстапката үлэлиир;
– Муус устар 26 – ыам ыйын 7 күннэригэр академик Афанасий Осипов галереятыгар худуоһуннньук 95 сааһыгар аналлаах «Өрөспүүбүлүкэм аата» быыстапка үлэлиир.

Муус устар 27 күнэ
* Дьокуускай куоракка, Москваҕа, Санк-Петербурга сүгүрүйэр судаарыстыбаннай деятэллэрбит пааматынньыктарыгар сибэкки дьөрбөтүн ууруу;
* Ойуунскайдар дьиэ кэргэттэрин мемориальнай музейдарыгар аһаҕас аан күннэрэ;
* Кыайыы болуоссатыгар ГТО бэстибээлин кыайыылаахтарыгар анал бэлиэлэри туттарыы;
* Саха Өрөспүүбүлүкэтин саалатыгар Судаарыстыбаннай наҕараадалары туттарыы;
* «Симэх» арт-салоҥҥа «Вышитая карта Якутии» аахсыйа;
* Киэһэ 17.00 ч. Дьокуускай куорат Комсомол болуоссатыгар бырааһынньыктааҕы кэнсиэр, Оһуохай;
* Киэһэ 18.00 ч. Саха академическай тыйаатырыгар – «Тулаайах оҕо», Эдэр көрөөччү тыйаатырыгар  «Сахалар ааттарыттан» испэктээктэр премьералара; 
* Киэһэ 19.00 ч. «Триумф» комплекска «ТҮМҮҮ» уопсастыбаннас мунньаҕа.