Муттуххай Бороҥ кэриэһигэр
Биир идэлээхпит, бэйэтин кэмигэр «Киин куорат» хаһыакка үлэлээн ааспыт, элбэх сытыы ыстатыйатын таһаартарбыт суруналыыс, поэт, прозаик Валерий Васильевич Васильев – Муттуххай Бороҥ чаҕылхай талааныгар сүгүрүйэн, Үөһээ Бүлүү улууһун "Үөдүгэй нэһилиэгэ" МТ баһылыгынан үлэлээбитин сыаналаан, биир дойдулаахтара кини кэриэһигэр “Эн талааҥҥар сүгүрүйэн...” куйаар ситимин нөҥүө куонкурус ыытан эрэллэр.
БАЛАҺЫАННЬАТА:
Тэрийээччилэр:
"Айар Кут" - Саха сирин хоһоонньуттарын, кэпсээнньиттэрин сойууһа (бэрэссэдээтэл Анатолий Кириллин-Толикус);
Үөһээ Бүлүү улууһун "Үөдүгэй нэһилиэгэ" МТ дьаһалтата (баһылык Альберт Иванов);
"Долун" ХЭТ кинигэ кыһата (дириэктэр Егор Федоров-Долун).
Куонкурус сыала-соруга:
Муттуххай Бороҥ аатын үйэтитии, кини айымньыларын киэҥ эйгэҕэ таһаарыы, билиһиннэрии;
Сахалыы ыраастык, хомоҕойдук саҥарыыны тупсарыы;
Төрөөбүт тылбытын суолтатыгар сөпкө туттан, таба суруйуу таһымын үрдэтии;
Үрдүк таһымнаах уус-уран айымньыны суруйууга көҕүлээһин, саҥа талааннары арыйыы.
Ыытыллар болдьоҕо:
Айымньылары, видеороликтары тутуу бу сыл кулун тутар 1 күнүттэн саҕалаан бэс ыйын 1 күнүгэр диэри барар;
Бэс ыйын 1 күнүттэн 20 күнүгэр диэри инстаграм нөҥүө куоластааһын уонна дьүүллүүр сүбэ ырытыыта ыытыллар;
Эпидемиологическай балаһыанньанан хааччах суох түгэнигэр от ыйын 10 күнүгэр үөрүүлээх быһыыга-майгыга кыайыылаахтары наҕараадалааһын.
ИРДЭБИЛ:
? Сааһыттан, Сойууһуттан уонна түмсүүтүттэн тутулуга суох баҕалаах дьон бары кыттыахтарын сөп;
? Кыттааччы куонкурус үс хайысхатыгар үһүөннэригэр кыттыан сөп;
? Кыттыы төлөбүрдээх – 200 солк.
Хас биирдии хайысхаҕа тус-туспа төлөбүр ылыллар: сиһилии 89142570325 нүөмэргэ WhatsApp нөҥүө билсиҥ.
? 18 сааһын туола илик оҕо кыттар түгэнигэр, усунуоһу төрөппүтэ эбэтэр учуутала кини аатыттан төлүүр.
КУОНКУРУС үс хайысханан ыытыллар:
Хоһоон ааҕыытыгар:
В. В. Васильев–Муттуххай Бороҥ хоһоонноруттан биири талан камера иннигэр ааҕыллар;
Уһуллубут видео үчүгэй хаачыстыбалааҕа ирдэнэр, төлөпүөн камератын сытыары тутан устуллар;
Видеомонтаж, фотошоп, музыка сыһыарар көҥүллэнэр;
18 сааһын туола илик оҕолор ааҕыылара туспа дьүүллэнэр.
Төл.: 89644278270, Ayar_kut@mail.ru
Хоһоон айыыга:
Көҥүл темаҕа биир хоһоонунан кытталлар;
Хоһоон кээмэйэ муҥутаан 35 субурҕаттан ордуо суохтаах;
Хоһоон эрдэ ханна да бэчээттэнэ илик, кыттааччы тус бэйэтин айымньыта буолуохтаах.
Хоһооҥҥутун уонна ааккытын тус-туспа файлларга (сурукка) тиһэн электроннай почта эбэтэр ватсап ситимин нөҥүө ыытыаххытын сөп:
Төл.: 89142570325, Ayar_kut@mail.ru
Кэпсээн суруйуутугар:
Көҥүл темаҕа биир кэпсээнинэн кытталлар;
Кэпсээн А4 илиискэ 12-лээх шрибинэн 1,5 интервалынан 5 илиистэн ордуо суохтаах.
Айымньы ханна да бэчээттэнэ илик, кыттааччы тус бэйэтин айымньыта буолуохтаах.
Кэпсээҥҥитин уонна ааккытын тус-туспа файлларга (сурукка) тиһэн электроннай почта эбэтэр ватсап ситимин нөҥүө ыытыаххытын сөп:
Төл.: 89141082278, dolun1971@mail.ru
ДЬҮҮЛ:
Видеоҕа:
Инстаграм страницаҕа тахсан көрөөччү куоластааһына ыытыллыаҕа (лайк хомуйуута);
Киирбит видеолары Үөһээ Бүлүү улууһун "Үөдүгэй нэһилиэгэ" МТ дьаһалтата тэрийбит анал хамыыһыйата дьүүллүөҕэ;
Видеоҕа хоһоону дорҕоонноохтук ааҕыы ирдэбиллэрин тутуһуу, артыыстааһын сыаналаныаҕа.
Уус-уран айымньы суруйуутугар:
Киирбит хоһооннору "Айар Кут" Сойуус,
кэпсээннэри "Долун" кинигэ кыһата тэрийбит анал хамыыһыйалара дьүүллүөхтэрэ;
Хас биирдии айымньы нүөмэрдэнэн, кыттааччы аата биллибэккэ тургутуллуоҕа;
Уус-уран өттүнэн сиппит-хоппут, сонун ис хоһоонноох айымньылар сыаналаныахтара.
НАҔАРААДАЛААҺЫН:
Куонкурус түмүгүнэн хайысхатын аайы I, II, III миэстэлэринэн бириистэр ананаллар.
Муттуххай Бороҥ хоһооннорун ааҕыыга сүрүн бириис – ноутбук. Туруорар: "Үөдүгэй нэһилиэгэ" МТ баһылыга А.Ю.Иванов.
Ону таһынан "Үөһээ Бүлүү улууһа" МТ дьаһалтатын анал бириистэрэ.
- Оҕолорго миэстэлэринэн туспа бириистэр.
* Хоһоон айыытыгар:
- I миэстэҕэ – 10 000 солк.;
- II миэстэҕэ – 8000 солк.;
- III миэстэҕэ – 5000 солк.
* Кэпсээн суруйуутугар:
- I миэстэҕэ – 10 000 солк.;
- II миэстэҕэ – 8000 солк.;
- III миэстэҕэ – 5000 солк.
Тэрийэр хамыыһыйа
Сонуннар
Ордук ааҕаллар
