01.06.2021 | 09:38

Муниципальнай лааҕырдарга сайабылыанньа ылыы саҕаланна

Муниципальнай лааҕырдарга сайабылыанньа ылыы саҕаланна
Ааптар: Киин Куорат

Дьокуускай куоракка муниципальнай сайыҥҥы оҕо сынньанар лааҕырдарыгар сайабылыанньа хомуйуу саҕаланна.
Уокуруктааҕы дьаһалта пресс-сулууспата иһитиннэрбитинэн, сайабылыанньаны бу нэдиэлэттэн edu.e-yakutia.ru үөрэҕирии өҥөлөрүн оҥорор портал нөҥүө биэриэххэ сөп. 
Күнүскү лааҕырдарга сылдьыы эпидемиологическай быһыы-майгы ирдэбилинэн бэс ыйын устата дистанционнай көрүҥүнэн  тэриллэр. Үөрэх управлениета биллэрэринэн, бэс ыйын 5 күнүттэн араас хайысхалаах уопсай уонна эбии үөрэхтээһин дистанционнай балаһааккалара үлэлиэхтэрэ. Ол курдук, Ф.И. Авдеева аатынан Оҕо айымньытын дыбарыаһа, Дьокуускай куораттааҕы Обургу оҕо киинэ, Техническэй айымньы киинэ, «Ситим» Хатастааҕы айымньы дьиэтэ 3000 оҕону хабар былааннаахтар. Сайыҥҥы бырагыраамаларга суруйтарыы АИС «СӨ эбии үөрэхтээһиҥҥэ навигатора» нөҥүө барар.

Сайыҥҥы дистанционнай бырагыраамалар испииһэктэрэ Үөрэх управлениетын официальнай сайтыгар «Сайыҥҥы сынньалаҥ» салааҕа баар буолуоҕа. Лааҕырдар 2-3 симиэнэлэрэ хайдах көрүҥүнэн бараллара эпидемиологическай быһыы-майгы туругуттан быһаарыллар. 
РФ Бэрэсидьиэнин уонна Бырабыыталыстыбатын соругунан төрөппүттэр сайыҥҥы сынньалаҥ лааҕырдарын путевкаларын сыанатын 50% төнүннэриэхтэрин сөп, ол эрэн 20 тыһыынчаттан тахсыбаты уонна «Мир» каартаттан төлөммүт эрэ буоллаҕына. Уу харчынан төлөбүр бырагыраамаҕа киирсибэт. 
Саха сириттэн итиннэ 13 лааҕыр кыттыста, ол иһигэр муниципальнайдар - «Спутник» чэбдигирдэр лааҕыр (2 №-дээх орто оскуола),  «Каландаришвили» (31 №-дээх орто оскуола),   «Бинго» (36 №-дээх оскуола), «Радуга» (СПЛ), «Родничок» (21 №-дээх орто оскуола). Кэшбектээх лааҕырдар испииһэктэрэ мирпутешествий.рф сайтка «Оҕо лааҕырдара» салааҕа тахсаллар. 
Ыам ыйын 26 күнүнээҕи туругунан, санитарнай-эпидемиологическэй арылларга сөптөөхтөрүн туһунан түмүктэри 47 сынньалаҥ тэрилтэтэ, ол иһигэр 45 күнүскү лааҕыр, 2 үлэ уонна сынньалаҥ лааҕыра ылбыттар.

Сонуннар

Ордук ааҕаллар

Төлөн: «Кэрэни туойарбыттан дуоһуйабын»
Дьон | 18.06.2021 | 19:46
Төлөн: «Кэрэни туойарбыттан дуоһуйабын»
Бу күннэргэ балаһабар дьоруой көрдөөн биир дойдулаахпар, буолаары буолан ийэм төрөөбүт сириттэн төрүттээх, Өнөр Эбэтэ дуо дэппит Уус Алдан улууһун биир кэрэ-мааны айылҕалаах, дьэдьэн, хаптаҕас силигилии үүнэр, сардаана сибэккинэн симэммит алаастардаах, лэһигирэс көмүс хатырыктааҕынан аатырбыт Өнөртөн төрүттээх киһини дьүөгэм булан биэрдэ. Онон, билсиҥ, хоһоон хонуутугар хорутуулаахтык суруйар, оһохчут быһыытынан улууһугар...
Станислав Свинобоев Бухарестка уһаарыллыыта
Спорт | 11.06.2021 | 10:24
Станислав Свинобоев Бухарестка уһаарыллыыта
Станислав Свинобоев Бухарестка уһаарыллыыта Мэҥэ Хаҥаластан төрүттээх, 18 саастаах Станислав Свинобоев саас Иркутскайга 21-гэр диэри саастаахтарга көҥүл тустууга  Арассыыйа чемпиона буолбута. Итинник түһүлгэттэн кыһыл көмүс мэтээл кэлбэтэҕэ 11 сылыгар  эбиитин орто ыйааһыҥҥа  70 кг аҕалыыта уонна атырдьах ыйыгар Башкортостан киинигэр Уфаҕа ыытыллыахтаах аан дойду 21-гэр диэри саастаахтарга чемпионатыгар Арассыыйа чиэһин...
Киин куоракка коррупцияны утары научнай-практическай конференция ыытыллар
Сонуннар | 17.06.2021 | 18:30
Киин куоракка коррупцияны утары научнай-практическай конференция ыытыллар
Дьокуускайга бэс ыйын 16-17 күннэригэр коррупцияны утары судаарыстыбаннай политика тыын боппуруостарыгар научнай-практическай конференция буола турар.  Конференция онлайн көрүҥүнүнэн барар. Дискуссионнай балаһааккаҕа судаарыстыбаннай былааска уонна олохтоох бэйэни салайыныы уорганнарыгар коррупцияны уонна сокуону кэһиини сэрэтэр сыаллаах салаалар бэрэстэбиитэллэрэ Уһук Илин регионнарыттан кытталлар. Конференцияҕа кыттаары Дьокуускайга РФ Президенин Управлениетын уонна РФ Президенин Уһук...
Рекорд үөһэ рекорд!
Спорт | 11.06.2021 | 10:29
Рекорд үөһэ рекорд!
Аатырбыт дэгиттэр спортсмен  Василий Николаев кэриэһигэр атах оонньууларыгар өрөспүүбүлүкэ чемпионата элбэх саҥа рекордааҕынан историяҕа киирдэ. Өрөбүллэргэ  «Туймаада» стадиоҥҥа 13 улуус,   Дьокуускай, ХИФУ,   АГАТУ ааттарыттан 40 спортсмен  кытынна. Биир  ыйынан  Манчаары оонньуулара буолаары турарынан, спортсменнар эрчиллиилэрин күүһүрдүбүттэрэ ырааттаҕа.   ЯПК 1 кууруһун устудьуона, сабыылаах сиргэ күрэхтэһиигэ өрөспүүбүлүкэ рекордсмена  Валерия Олесова үс көрүҥ...