10.12.2021 | 18:00

Муниципальнай бырагыраамалар үбүлээһиннэрэ улаатта

Муниципальнай бырагыраамалар үбүлээһиннэрэ улаатта
Ааптар: Киин Куорат
Бөлөххө киир

Ахсынньы 9 күнүгэр Дьокуускай куораттааҕы Дуума Степан Павлов бэрэссэдээтэллээх ыччат политикатыгар, физическэй култуураҕа, спортка уонна чөл олоххо сис хамыыһыйатыгар куорат бүддьүөтүн 2022 уонна 2023-2024 сыллардааҕы былааннаммыт болдьоххо сүрүн кээмэйин көрдүлэр. Бу туһунан Дьокуускай куораттааҕы Дуума пресс-сулууспата иһитиннэрдэ. 
Уокуруктааҕы дьаһалта үпкэ Департаменын начаалынньыга Ольга Максимова киирбит көннөрүүлэри билиһиннэрдэ. 
Кини бэлиэтээбитинэн, иккис ааҕыыга куорат бүддьүөтүн 2022 уонна 2023-2024 сыллардааҕы былааннаммыт болдьох төлөбүрэ суох киириини учуоттаан оҥоһуллубут. 
Дьокуускай куораттааҕы Дуума сис хамыыһыйаларын боротокуоллаах сүбэлэрин толорор сыаллаах сэтинньи 30 күнүнээҕи бүддьүөт көннөрүүтүгэр хамыыһыйанан ылыныллыбыт быһаарыылар учуоттаммыттар. 
Итини таһынан, бырагыраамалаах уонна бырагыраамата суох ороскуоттар уларыйыылара учуоттаммыт. 
2022 сыллааҕы бүддьүөт сүрүн кээмэйэ бүддьүөт икки ардыларынааҕы трансферт кээмэйин учуоттаан туран дохуокка 22 млрд. 40 мөл. солк., ороскуокка 22 млрд. 312 мөл. солк. тэҥнэспит. Бүддьүөт дефицита уларыйбат, бэйэ дохуодун кээмэйиттэн 3%, ол эбэтэр 272 мөл. солк.
2023-2024 сылларга бүддьүөт дефицита суох оҥоһуллубут, онон сибээстээн 2023 сылга дохуот уонна ороскуот 20 млрд. 359 мөл. солк. буолара былааннанар. 
2021 сылга бигэргэтиллибит бүддьүөтү кытта тэҥнээтэххэ, 2022 сыллааҕы бүддьүөт икки ардыларынааҕы трансферт 3,6 млрд. солк. үрдээтэ.  Итинтэн 1,9 млрд. солк. хапытаалынай уурууларга туһуланар, киин куорат үлэлэрин субсидиятын кээмэйэ 150 мөл. солк., уопсай үөрэхтээһин судаарыстыбаннай халыыптара олоххо киириилэрин субвенцията 183 мөл. солк., оскуола иннинээҕи үөрэх судаарыстыбаннай халыыптара олоххо киириилэрин субвенцията 711 мөл. солк. улааттылар. 
Тулаайах оҕолору дьиэнэн хааччыйыы субвенциятын кээмэйэ 263 мөл. солк., оҥорон таһаарыы, тыа хаһаайыстыбатын бородууксуйатын уонна үүнээйини оҥорон таһаарыы субвенцията 92 мөл. солк. үрдээтэ. 
«Куттала суох уонна хаачыстыбалаах суоллар» Национальнай бырайыак олоххо киириитин ороскуота миллиард аҥаара солкуобайынан үрдэтилиннэ. 
Ороскуот чааһыгар, бүддьүөтү көннөрүү хамыыһыйатын боротокуолун кытта сөп түбэһиннэрэн, олохтоох бүддьүөт ороскуотугар уларыйыылар киирбиттэр.   «Ыччат. Дьиэ кэргэн. Спорт. Чөл туруктаах куорат» муниципальнай бырагырааманан ороскуот 1,6 мөл. солк. үрдээбит.
Муниципальнай бырагырааманан ороскуот 2022 сылга 331 мөл. солкуобайга тэҥнэспит, кэлэр сыл бигэргэтиллибит былааныгар 35 мөл. солк. эбэтэр 112% үрдээн биэрбит.
Иккис ааҕыыга өрөспүүбүлүкэ бүддьүөтүттэн муниципальнай үөрэҕирии тэрилтэлэрин педагогтарын социальнай өйөбүллэрин миэрэлэригэр туһаайыллыбыт 125 тыһ. солк. кээмэйдээх субвенциялара эбии учуоттаммыт. 
«Дьиэ кэргэн политиката» хос бырагырааманан, сис хамыыһыйа мунньаҕын боротокуоллаах сорудаҕар сөп түбэһиннэрэн, иккис ааҕыыга «Аҕа курэҕин» тэрийиигэ ороскуоту 495 тыһ. солк. үрдэтэр эбии көрүллүбүт, уопсай суума 500 тыһ. солк. тэҥнэспит. 
Итини сэргэ, «Туймаада хочотун дьахталлара» бэстибээли тэрийиигэ эбии ороскуот 500 тыһ. солк. эбиллибит. 
«Чөл туруктаах куорат» хос бырагыраамаҕа улаатан эрэр кыргыттары маатка шейкатын раагын сэрэтэр, киһи папилломатын вируһун утары вакцинациялыырга, диспансеризацияҕа ороскуот 5,9 мөл. солк. үрдэтиллибит. 
Ити курдук, бары муниципальнай бырагыраамаларынан үбүлээһин кээмэйэ быйылгы сыллааҕыны кытта тэҥнээтэххэ, үрдэтиилээх көрүллүбүт.

Сонуннар

Ордук ааҕаллар

Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Рулет арааһын астыахха
Тускар туһан | 23.03.2024 | 10:00
Рулет арааһын астыахха
Бүгүн ааҕааччыларбытыгар астыырга чэпчэки уонна судургу, ол эрээри олус минньигэс уонна тотоойу сокуускалар ырысыаптарын бэчээттиибит. Бырааһынньыктааҕы сандалыгытын киэргэтиэхтэрэ, өрөбүллэргэ сонун бүлүүдэ буолуохтара.