16.11.2023 | 10:00

Москваҕа Саха сирин оскуолаларын тутуутун дьүүллэстилэр

Москваҕа Саха сирин оскуолаларын тутуутун дьүүллэстилэр
Ааптар: Киин Куорат
Бөлөххө киир

Өрөспүүбүлүкэ баһылыгын уонна бырабыыталыстыбатын пресс-сулууспата иһитиннэрбитинэн, СӨ Экономикаҕа миниистирэ Петр Попов «ПроШкола» ХЭТ салалтатын кытта ВЭБ.РФ Судаарыстыбаннай корпорация концессионнай сөбүлэҥнэрин чэрчитинэн үөрэҕирии эбийиэктэрин тутуутун дьүүллэстэ.

Бүгүҥҥү күҥҥэ ВЭБ.РФ кытта бииргэ үлэлээһин бырайыагынан Дьокуускайга куоракка уонна Жатай бөһүөлэккэ түөрт оскуола тутулла турар. Бииргэ үлэлээһин туһунан сөбүлэҥнэргэ Ил Дархан Айсен Николаев ПМЭФ балаһааккатыгар 2021 сыллаахха, оттон  ВЭФ чэрчитинэн 2022 сыллаахха илии баттаспыта. Дуогабар 10-15 сылга түһэрсиллэр.

Киин куорат 153-с кыбаарталыгар 990 миэстэлээх оскуола  2024 сыл бүтүүтүгэр диэри үлэҕэ киириэхтээх. Доруобуйаларынан хааччахтаах оҕолор социальнай адаптацияларын төгүрүк суукканан үлэлиир комплекса эмиэ ити болдьоххо тутуллан бүтэрэ былааннанар. Комплекс иккис түһүмэҕэ – 200 миэстэлээх оҕо уһуйаана уонна 150 миэстэлээх интэринээт 2025 сылга үлэҕэ киириэхтээх. Кэлэр сылга Дьокуускай 143-с кыбаарталыгар 180 миэстэлээх 4-с №-дээх анал (коррекционнай) оскуола тутуута түмүктэниэҕэ. Жатай бөһүөлэгэр 360 миэстэлээх оскуола тутуллан бүтэн эрэр.   

Миниистир Петр Попов эппитинэн, эбийиэктэр болдьоҕор үлэҕэ киирэллэрин курдук хонтуруолу күүһүрдүөххэ наада.  

Санатар буоллахха, Арассыыйа Үөрэҕириитин министиэристибэтэ 2021 сыллаахха «Үөрэҕирии сайдыыта» судаарыстыбаннай бырагырааманы саҕалаабыта. Итиннэ олоҕуран, саҥа оскуолалары судаарыстыба уонна чааһынай тэрилтэлэр концессионнай сөбүлэҥ быһыытынан бииргэ үлэлээн, саҥа оскуолалары тутар кыахтаннылар. Ити саҥа оскуола тутуутун тэтимирдэн, олохтоох бүддьүөт ороскуотун аҕыйатан биэрдэ.

 

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...