Мобилизацияламмыттарга көрүллэр көмө

Ааптар: Розалия Томская

Бөлөххө киир

Быстах байыаннай хомуур биллэриллиэҕиттэн өрөспүүбүлүкэ таһымыгар олохтоммут көмө:

- биирдэ бэриллэр 200 тыһ. солк. көмө харчы;

- уһуйаан төлөбүрүттэн босхолонуу (аҕалара байыаннай дьайыыга сылдьар кэмигэр эрэ көрүллэр);

- 5-11 кылаас оҕолорун оскуолаҕа босхо итии аһылыгынан хааччыйаллар;

- 6,5-18 саастаах оҕолорго лааҕырдарга босхо путевка;

- байыаннай дьайыыга сылдьар дьон оҕолоро орто уонна үрдүк үөрэх кыһаларыгар тус сыаллаах миэстэлэргэ үөрэххэ босхо киирэллэр;

- устудьуоннарга үрдэтиллибит истипиэндьийэ олохтонор; мобилизацияламмыт киһи төрөппүттэригэр санаторийдарга босхо путевка көрүллэр.

Өҥөнү оҥоруу: 10 күн, ураты түгэннэргэ 1 ыйга диэри уһуон сөп.

Сайабылыанньалары Элбэх өҥөнү оҥорор кииннэргэ (МФЦ), судаарыстыбаннай өҥө порталларыгар ылаллар. Национальнай библиотека электроннай өҥөлөрү оҥорор кииниттэн эмиэ ыытыахха сөп.

122 – ыйытыыларга хоруйдууллар.

Мобилизацияланан барбыт дьон дьиэ кэргэттэригэр куорат таһымыгар олохтоммут көмө:

- биирдэ бэриллэр 30 тыһ. солк. харчы;

- оскуола оҕолорун босхо аһылыгынан хааччыйыы;

- уопсастыбаннай тырааныспарга оҕолорго босхо айан;

- уһуйаан төлөбүрүттэн босхолонуу;

- уһуйааҥҥа оҕолорун уочарата суох ылыы;

- оҕуруот аһынан көмө;

- муниципальнай бас билии эбэтэр сир арыандатын төлөбүрүн болдьоҕун уһатыы;

- сулууспалыы сылдьар дьону наадалаах сэбиргэлинэн хааччыйыы;

Бу ыйыллыбыт көмөҕө муниципальнай бүддьүөттэн уонна хаһаас пуондаттан үп көрүллэр.

Байыаннай дьайыыга кытта сылдьар дьон дьиэ кэргэттэрин өйүүр Дьокуускай куораттааҕы киин үлэлиир.

Аадырыһа: Курашов уул., 1/1.

+7-914-110-60-20

40-88-70

Бу кииҥҥэ юристар, психологтар, волонтердар көмөлөрө уонна да атын көмө тэриллэр.

Мобилизацияламмыт дьоҥҥо, кинилэр дьиэ кэргэттэригэр көмөлөһөр #МыВместе өрөспүүбүлүкэтээҕи волонтердар хамсааһыннара үлэлиир.

122 төлөпүөнүнэн (6 сыыппараны баттаатаххытына) байыаннай дьайыыга сылдьар байыастар дьиэ кэргэттэриттэн көмөҕө сайаапкалары туталлар.

Ас-үөл атыылаһан аҕалыахтарын, оҕолору поликлиникаҕа илдьэн-аҕалан биэриэхтэрин, дьиэ ис-тас үлэтигэр, о.д.а. көмөнү оҥоруохтарын сөп.

250 бэйэ баҕатынан көмөлөһөр волонтер үлэлиир. Улуус аайы ыстааптар тэрилиннилэр.

Ону таһынан баҕалаахтартан көмөнү туталлар:

Аадырыстара: Орджоникидзе уул., 10,

10:00-18:00 ч. (Тыа хаһаайыстыбатын министиэристибэтин өттүнэн киирэр аан).

Москваҕа баар Бастайааннай Бэрэстэбиитэлистибэ үлэһиттэрэ Украинаҕа мобилизацияланан уонна баҕа өттүнэн барбыт саллааттарга, бааһырбыттарга көмө-тирэх, сүбэ-ама буолаллар.

Мунаахсыйар ыйытыыларгытыгар олус үчүгэйдик сахалыы кэпсээн, сүбэлээн биэриэхтэрэ, салгыы тугу гынаргытын этиэхтэрэ.

Төлөпүөннэрэ:

+7-926-887-0852

+7-926-886-8604

Электроннай аадырыстара: postpred@sakha.msk.ru

Туһалаах төлөпүөннэр:

122 – Федеральнай быһа линия

8-(4112)-50-83-73 – Өрөспүүбүлүкэтээҕи координационнай киин

8-(4112)-40-88-70

8-914-110-60-20 – Дьокуускай куораттааҕы Мобилизацияламмыттар дьиэ кэргэттэрин өйүүр киин

8-(4112)-42-43-34 – Саха сирин Военкома, гражданнары кытта үлэлиир салаа

8-924-599-94-97 – Дьокуускай куорат Прокуратуратын быһа линията