24.03.2023 | 16:00

Минньигэстик аһааҥ

Минньигэстик аһааҥ
Ааптар: Киин Куорат
Бөлөххө киир

«Сонноох семга» салаат

Састааба:

– тууһаммыт семга куһуога – 150 г;

– 3-4 сымыыт;

– 3-4 орто моркуоп;

– 2 улахан сүбүөкүлэ;

– 3-4 орто хортуоппуй;

– майонез.  

 

Маҥнай сымыыты, хортуоппуйу, сүбүөкүлэни, моркуобу ууга буһарабыт. Онтон барытын түөркэлиибит. Семганы кыра гына кырбыыбыт, иһиккэ араҥанан уурабыт: балык – хортуоппуй, моркуоп – сымыыт – сүбүөкүлэ. Икки ардыларын майонеһынан биһэбит.

Крабтаах салаат

Састааба:

– 3 сымыыт;

– 1 хаа краб этэ;

– 1 хаа мидия;

– 500 г креветкэ;

– 200 г рис;

– майонез.

Сымыыты, риһи ууга буһарабыт. Мидияны, креветканы бииргэ ууга буһарабыт, сойутабыт. Барытын кубиктыы кырбаан баран кырааб этин кутабыт, холбуубут. Майонезтыыбыт.

Быартан салаат

Састааба:

– быар 100 г;

– ыстакаан аҥаара үүт;

– 3 ост. нь. бурдук;

– 1/5 бааҥка туустаах оҕурсу;

– 3 ост нь. сүөгэй эбэтэр майонез.

Быары блендерга илдьиритэн баран, үүтү, тууһу, бурдугу кутабыт, убаҕас тиэстэ буолбутун кэннэ духуопкаҕа 20 мүнүүтэ буһарабыт. Сойбутун кэннэ быары, моркуобу, оҕурсуну соломолуу быһабыт. Сүөгэйи эбэтэр майонеһы кутан баран, сэрэнэн булкуйабыт.

«Сайаҕас» салаат

– 300 г убаһа этэ;

– 5 уст. сымыыт;

– 1 бааҥка ананас;

– 20 г майонез;

- араас өҥнөөх 2 болгарскай биэрэс.

Убаһа этин, орто куһуок гына кырбаан баран, ыһаарылыыбыт. Сымыыты буһаран баран биэрэһи кытта тэҥ куһуоктарынан кырбыыбыт, ананас эбэбит. Кыратык майонезтыыбыт.

Тэллэйдээх салаат

Састааба:

– 1 бааҥка маринованнай ассорти тэллэй;

– 3 хортуоппуй;

– 1 күөх дьаабылыка;

– 2 сымыыт;

- 2 ост. нь. оливки арыыта.

Хортуоппуйу, сымыыты ууга буһаран бэлэмниибит. Ол кэннэ барытын соломолуу бысталаан баран, бииргэ булкуйабыт, оливки арыытын кутабыт.

Грушаттан уонна дьаабылыкаттан барыанньа

Састааба:

0,5 кг дьаабылыка;

1 кг груша;

100-200 г саахар.

Грушалары, дьаабылыкалары кыра гына кырбастаан көстүрүүлэҕэ уган баран, итии уута кутабыт. Сымнаабыттарын кэннэ сиитэҕэ аалан илдьиритэбит. Мөлтөх уокка туруоран эмиэ оргутабыт, саахардыыбыт.

Дьаабылыкалаах салаат

Састааба:

– 3 устуука күөх дьаабылыка;

– 1 оҕурсу;

– куурусса 2 буута;

– 2 ост. нь. оливки арыыта;

– туус, хара мээккэ биэрэс.

Куурусса буутун этин уҥуоҕуттан арааран баран ууга буһарабыт. Дьаабылыканы, оҕурсуну соломолуу быһабыт, сойбут куурусса этин эбэбит, туустуубут, тумалыыбыт уонна оливки арыытын кутан сэрэнэн булкуйабыт.

Ириис кэмпиэт

Састааба:

200 г сүөгэй;

200 г саахар;

60 г мүөт.

Барытын көстүрүүлэҕэ кутан булкуйабыт, 25 мүнүүтэ кыра уокка булкуйа-булкуйа буһарабыт. Арыынан биһиллибит формаҕа кутаттыыбыт. Тымныы ууга карамель биир таммаҕын куттаххына, сонно тута кытаатан хааллаҕына – сөп буолбут.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!