13.01.2023 | 11:00

Минньигэстик аһааҥ

Минньигэстик аһааҥ
Ааптар: Киин Куорат
Бөлөххө киир

Быар кэтилиэт

500 г быар, 1,5 ыстакаан буспут ириис эбэтэр 1 ыстакаан мааннай куруппа, 2-3 сымыыт, 0,5 ыстакаан бурдук, туус, биэрэс, эриэппэ луук.

Быары мясорубкаҕа эрийэбит, онтон бары састаабын мэһийэбит, саамай кэлин бурдук эбэбит. Маассабыт хойуу сүөгэй курдук буолуохтаах. Мас арыытыгар ньуосканан кутан ыһаарылыыбыт.

Манты

Тиэстэтэ: уу, 500 г бурдук, 1 сымыыт, туус.

Фарша: 500 г сибиинньэ этэ, 100 г сыата, 200 г эриэппэ луук, туус, биэрэс.

Тымныы ууга састаабы булкуйан, пельмень тиэстэтин курдук мэһийэбит уонна 10 см диаметрдаах төгүрүктэри тэниччи уурабыт. Төгүрүктэрбит ортотугар фаршпытын ууран баран, үөһэ өттүн аһаҕас хаалларан, кэмбиэр курдук суулуу тутабыт уонна паарга 20-30 мүнүүтэ устата буһарабыт.

Клярдаах сибиинньэ этэ

Сибиинньэ этэ, 2 сиикэй хортуоппуй, 2 сымыыт, 2 ост. ньуоска майонез эбэтэр сүөгэй, 3 ост. ньуоска бурдук, луук, күөх тума.

Эти обургу гына өлүүскэлии быһабыт, чарааһатын өтүйэнэн сынньабыт. Кляр бэлэмниибит: хортуоппуйу улахан хайаҕастардаах түөркэҕэ анньабыт, бытархай гына быһыллыбыт луугу, күөх туманы, чеснок 3 өлүүскэтин, сымыыты, майонеһы, бурдугу барытын үчµгэйдик булкуйабыт. Онно эппитин ымньыы-ымньыы, ыһаарылыыбыт. Үрдүк иһиккэ уган иһэбит, онтон үрдүгэр убатыллыбыт сүөгэйи кутан баран, духуопкаҕа ситэри буһаран ылабыт.

Черносливтаах эт

Черносливы сылаас ууга эрдэттэн сымнатабыт. Убаһа этин чараас гына быһабыт, туустуубут-тумалыыбыт. Онтон ол эппитигэр черносливы рулеттыы суулуубут уона сабынан баайан кэбиһэбит. Эппитин арыыга ыһаарылыахпытын эбэтэр духуопкаҕа 10-ча мүнүүтэ буһаран ылыахпытын сөп.

Минньигэс эт

1 кг сибиинньэ куҥ этэ, 1 бааҥка ананас хомпуота, 200 г сыыр, майонез, туус, хара биэрэс.

Сибиинньэ этин хомпуот уутугар 15-20 мүнүүтэ сытыара түһэбит. Ас буһарар тимир лиискэ эти уурабыт, ол үрдүгэр хара биэрэс, туус, тума, майонез кутабыт, ананас уурабыт. Ол кэннэ түөркэлэммит сыырынан хойуутук бүрүйэбит уонна духуопкаҕа анньабыт.

Французтуу соркуой

Эти, хортуоппуйу, тууһаммыт оҕурсуну, эриэппэ луугу чараас гына быһабыт уонна түгэҕэр кыра мас арыылаах хобордооххо үрүт-үрдүгэр бэрээдэгинэн тус-туспа араҥанан сааһылыы урабыт. Бэйэ сөбүлүүрүнэн тууһу, майонеһы, кетчубу кытта булкуйан кутабыт. Итии хобордооххо 10-15 мүнүүтэ булкуйбакка буһарабыт.

Генерал салаат

Бу салааты дьэҥкир таас иһиккэ оҥордоххо, ордук кэрэтик көстөр.

Салааты маннык араҥанан ууруҥ:

— түөркэлэммит сүбүөкүлэ;

— түөркэлэммит хортуоппуй;

— кубик гына быһыллыбыт буспут ынах этэ;

— луук;

— бытархай грецкэй эриэхэ;

— түөркэлэммит кытаанах сыыр.

Үрдүн майонеһынан биһэн баран, гранат туораахтарын бытарытыахха сөп.

Фарштаммыт сымыыттар

6 устуука буспут сымыыт, 1 бааҥка кэнсиэрбэлэммит треска быара, 2 ч. нь. кыһыл искэх, 4 куһуок тууһаммыт кыһыл балык, 4 куһуок сибиэһэй оҕурсу, күөх луук.

Сымыыты икки гына аҥаардааҥ. Уоһаҕын хостоон ылан хааһы курдук буолуор диэри биилкэнэн илдьиритиҥ. Онно күөх луугу уонна треска быарын кутан булкуйуҥ. Сымыыт аҥаардарын ити маассанан толоруҥ. Онтон 4 сымыыт үрдүгэр ньуоска аҥаардыы искэҕи, 4 сымыыкка кыһыл балыгы, ордубут 4-кэ оҕурсута ууруҥ.

Сыырдаах салаат

200 г кытаанах сыыр, 3 уст. сымыыт, күөх луук, 2 өлүүскэ чеснок, майонез, хара биэрэс, туус.

Сыыры кубик гына кырбааҥ. Буспут сымыыттары 4 тэҥ өлүүгэ, луугу уонна чесногу эмиэ кыра гына бысталааҥ. Барытын булкуйуҥ, туустааҥ, биэрэстээҥ уонна майонезтааҥ.

Гренадер салаат

200 г хортуоппуй, 100 г моркуоп, 150 г сүбүөкүлэ, 100 г ынах эбэтэр сибиинньэ этэ, 100 г чернослив, 150 г майонез, грецкэй эриэхэ, күөх тума.

Хортуоппуйу, моркуобу, сүбүөкүлэни уонна эти буһаран баран кубик гына быһыҥ. Черносливы итии ууга сытыара түһүҥ, уҥуоҕун ылҕааҥ уонна эмиэ кубиктыы быһыҥ. Онтон дириҥ иһиккэ маннык араҥанан уурталааҥ:

хортуоппуй;

моркуоп;

эт;

сүбүөкүлэ;

чернослив.

Хас биирдии араҥаны майонеһынан биһиҥ. Салаат үрдүн эриэхэнэн, черносливынан уонна күөх туманан киэргэтиҥ.

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...