18.12.2019 | 15:02

МИН КУОРАТЫМ

МИН КУОРАТЫМ
Ааптар: Киин Куорат

Иллээх ыаллаһыы сылынан хаһыаппыт кэтэһиилээх бырайыагын салгыыр.

Гагарин оройуона куоракка киирэр аартык. Сөмөлүөтүнэн көтөн кэлбит дьон дьоллоох Дьокуускайга бу уокуругунан киирэллэр. Сэтинньи 20 күнүттэн уокурук салайааччытынан Дмитрий Шарипов ананан үлэтин саҕалаата. Салайааччы бу иннинэ Аллайыаха улууһун Чокуурдаах бөлүөлэгин баһылыгынан үлэлээбитэ. Санатар буоллахха, Гагарин уокуруга киин куорат биир саамай элбэх нэһилиэнньэлээх уокуруга. Ол курдук, манна 26 тыһ. тахса киһи олорор, сирин иэнэ 13 654 607, 5 тиийэ м2. Уокурук дьаһалтатыгар 14 исписэлиис үлэлиир. Бүгүн саҥа салайааччы уокуругун бэлиэ миэстэлэрин сырдатар.

ГАГАРИН ӨРҮҮ САЙДАР КЭСКИЛЛЭЭХ

Биһиги уокурукпутугар чааһынай дьиэ элбэх - 1225, элбэх кыбартыыралаах олорор дьиэ ахсаана – 144, онтон 72-тэ – таас, мас дьиэ ахсаана эмиэ 72. Уокурукка 51 оҕо уһуйаана уонна спортивнай балаһааккалар үлэлииллэр. Территория иһигэр үс уопсай үөрэхтээһин уонна биир коррекционнай оскуола бааллар. Биир бэлиэ тутуунан «Стерх” спорт комплекса буолар. Маны сэргэ тутаах тэрилтэлэрбит – 2№-дээх поликлиника уонна 3№-дээх полиция отдела. Быйыл уокурукка Иллээх ыаллаһыы сылынан уопсайа 110 араас хабааннаах тэрээһин ыытыллыбыт.

Саҥа анаммыт буоламмын, уокурук сайдарын уонна тупсарын туһугар туох баарбынан үлэлии сатыыбын.

ДЬОКУУСКАЙ ПУОРДА

Быйыл аэропортка Былатыан Ойуунускай аатын иҥэрдилэр. Аныгы авиацияны тыйыс тымныы усулуобуйаҕа тургутан көрөр пуордунан ааҕаллар. Тус бэйэм хоту улууска олорбут, үлэлээбит буоламмын, бу пуортан чаастатык сөмөлүөтүнэн көтөр этим.

ҮРҮҤ КҮӨЛ

Номоххо киирбит Үрүҥ Күөл – оҕо сылдьан элбэхтик балыктаабыт, сөтүөлэбит түөлбэм. Уокурук олохтоохторо сайын билигин даҕаны сөтүөлүүллэр, кыһын балыктыыллар эбит. Халлаан сылыйдаҕына манна мас  олордон, ыраастааһын уонна сайыннарыы үлэти ыытыахпыт.

ДЬОКУУСКАЙ ААНА

Бу объегы тутуу былырыын саҕаламмыта. Быйыл сайын баһылык эбээһинэһин толорооччу Анжелика Ахмедова салалтатынан үлэҕэ киирбитэ. Билигин уокурукпут биир кэрэ көстүүлээх объега буолан турар. Оҕо аймах манна тымныыны аахсыбакка сөбүлээн хаартыскаҕа түһэ, сынньана кэлэллэрин үгүстүк бэлиэтии көрөбүн.

Инникитин да бу курдук хабааннаах тутуулар олоххо киирэн иһэллэригэр баҕарабын.

Сонуннар

Ордук ааҕаллар

Дьокуускай маастар-былаанын Илиҥҥи экономическай форумҥа билиһиннэриэхтэрэ
Сонуннар | 19.11.2021 | 11:30
Дьокуускай маастар-былаанын Илиҥҥи экономическай форумҥа билиһиннэриэхтэрэ
Саха сиригэр өрөспүүбүлүкэ киин куоратын маастар-былаанын оҥорорго Бүтүн Арассыыйатааҕы куонкуруска бэлэмнэнии саҕаланна. Итиннэ анаммыт пресс-конференцияҕа Ил Дархан Айсен Николаев иһитиннэрбитинэн, Дьокуускай маастар-былаанын аныгыскы Илиҥҥи экономическай форумҥа билиһиннэриэхтэрэ. Куонкуруһу өрөспүүбүлүкэ бырабыыталыстыбатын кытта Дьокуускай территориятын сайынннарыыга сөбүлэҥ чэрчитинэн Үүнэр көлүөнэ Целевой пуондата уонна  «ДОМ.РФ» сайдыы интситута үбүлүөхтээхтэр.  Балаҕан ыйыгар ыытыллыбыт бүтэһик Илиҥҥи...
Дьон сүтэр...
Сонуннар | 16.11.2021 | 11:30
Дьон сүтэр...
РФ Холуобунай ирдэбилгэ кылаабынай управлениета таһаарбыт чахчыларыгар олоҕурдахха, Арассыыйаҕа 2021 сыл бастакы аҥаарыгар 96971 киһи сүппүт, онтон 90670 киһитэ – суһаллык ыытыллыбыт көрдүүр үлэлэр түмүктэригэр көстүбүт. Маны таһынан, дойдубут үрдүнэн бүгүҥҥү күҥҥэ 34626 киһи сураҕа суох сүппүттэр испииһэктэригэр киирэ сылдьар, ол иһигэр, хомойуох иһин, 1776 оҕо. ИДьМ чахчыларынан, дьону көрдүүр...
Хоһоон ааҕыытыгар аһаҕас күрэс
Сонуннар | 24.11.2021 | 16:00
Хоһоон ааҕыытыгар аһаҕас күрэс
Саха АССР төрүттэммитэ 100 сылын кѳрсѳ, Ньурба оройуонун Малдьаҕар нэhилиэгин В.И. Максимов аатынан орто оскуолата 100 сылынан, Малдьаҕар  нэhилиэгин бастакы учуутала,  Дьокуускайдааҕы учительскай семинария бастакы выпускнига (1914-1917с.с)., Ньурба улууһун исполнительнай комитетын бэрэссэдээтэлэ, бэрэссэдээтэл солбуйааччыта (1924-1927 с.с)., Бүлүү уеһын общественнай куттала суох буолуутун комитетын чилиэнэ, продовольственнай уонна сир управаларын бэрэссэдээтэлэ (1923...
Мин Кристина буолбатахпын
Дьон | 16.11.2021 | 17:00
Мин Кристина буолбатахпын
Соторутааҕыта «Саха» НКИХ ханаалыгар «Дьол тааһа» диэн сериал көстөн ааста. Дьон-сэргэ бу киинэҕэ ордук Кристина оруолун ырытта. Бу уустук уобараһы арыйбыт Ева Кузьменко – номнуо хас даҕаны киинэҕэ оонньообут артыыһын ааһан, бэйэтин Үөһээ Дьааҥыттан төрүттээхпин диэн киэн тутта кэпсиир хоту дойду Кэрэ Куота. Хотугу аҕыйах ахсааннаах төрүт омуктар театрдарын артыыһа...