Михаил Николаев аатынан оскуола 2025 сылтан үлэлиэҕэ

Баһылык Евгений Григорьев бэйэтин телеграм-ханаалыгар 2025 сыл балаҕан ыйыттан киин куоракка Михаил Николаев аатын сүгэр оскуола арыллыаҕа диэн иһитиннэрдэ.
Ол курдук, Саха Өрөспүүбүлүкэтин Бастакы Бэрэсидьиэнэ төрөөбүт күнүн көрсө Дьокуускай куоракка кэлэр үөрэх дьылыттан үлэлээри турар 40 №-дээх оскуолаҕа Михаил Николаев аатын иҥэрэр туһунан дьаһал баттаммыт.

17 тыһ. кв/м иэннээх саҥа оскуола Иван Кульбертинов уул., 1А дьиэтигэр арыллыаҕа.
Михаил Ефимович үөрэхтээһини куруук инники күөҥҥэ тутара, үөрэх хаачыстыбата судаарыстыба сайдыытын таһымын, обороннай уонна экономическай кыаҕын көрдөрөрүнэн ааттыыра.
Саҥа үөрэх кыһатын иитиллээччилэрэ Михаил Николаев баҕатын курдук төрөөбүт куораттарын, онтон салгыы өрөспүүбүлүкэлэрин, бүтүн дойдубут сайдарын туһугар киэҥ билиилээх, үөрэхтээх буола улаатыахтара диэн эрэнэбин», – диэн суруйар Евгений Григорьев.