Медколледж устудьуоннара «Профессионал» чемпионакка сүүмэрдээһини аастылар

В.А. Вонгородскай аатынан Дьокуускайдааҕы медколледжка “Профессионалы-2024” диэн күрэхтэһии региональнай түһүмэҕэр киирэргэ сүүмэрдээһин күрэх буолан ааста.

Устудьуоннар 8 сүрүн хайысхаҕа күрэхтэстилэр:

—«Лабораторнай медицинскэй анализ»;

—«Фармацевтика»;

—«Эстетическэй косметология»;

—«Визаж уонна стилистика»;

— «Ортопедическай стоматология»;

— «Акушер дьыалата»;

— «Медицинскэй социальнай көрүү-истии»;

—«Эмтиир үлэ (фельдшер)».

Кыттааччылар бэйэлэрин хайысхаларыгар үлэлээтилэр, ол түмүгүнэн уопуттаах экспертэр күрэхтэһии бастыҥнарын быһаардылар. Күрэхтэһиигэ колледж 665 устудьуона кытынна, кинилэртэн чемпионат региональнай түһүмэҕэр 57 устудьуон кыттыыны ылыаҕа.

«Профессионал- 2024» идэҕэ сатабыл чемпионатын регионнааҕы түһүмэҕэ эһиил олунньу ый бүтүүтэ Медицинскэй колледж балаһааккаларыгар ыытыллыаҕа. Сүүмэрдээһини ааспыт устудьуоннары чемпионакка бэлэмнииргэ уопуттаах эксперт-үөрэтээччилэр үлэлиэхтэрэ.