01.08.2020 | 12:47

Массыына атыылаһааччыларга юрист сүбэтэ

Массыына атыылаһааччыларга юрист сүбэтэ
Ааптар: Киин Куорат
Бөлөххө киир

Билигин тимир көлөнү атыылаһарга саамай табыгастаах кэм үүннэ. Сайын массыына атыыта элбиир, таларга кыах бэриллэр. Массыынаны атыылаһарга сокуон тугу ирдиирий?

Сандаара Кулаковская – юрист: – Массыына атыытыгар сүрүн докумуон - атыы-эргиэн дуогабара (договор купли-продажи). Ону баттастыгыт да, массыына бас билээччитэ (собственник) уларыйар. Сорох дьон ГИБДД-га тиийэн учуокка туруордахха уларыйар дии саныыр. Оннук буолбатах. Дуогабар баттаһыы уонна харчы бэрсии туспа барар. Ол иһин харчы чахчы илииттэн илиигэ барбытын туһунан эбии хайаан да араспыыска баар буолуохтаах. Мин, кимтэн эрэ бачча харчыны массыына атыытыгар ыллым диэн. Боростуойдук. Мобильнай баанынан ыытыстахха, араспыыска наадата суох буолуон сөп. Мөккүөр үөскээтэҕинэ баан выписката баар буолар. Аны нолуок туһунан. Массыына атыылаабыт киһи дохуоттанар. Дохуот баар буолла да, судаарыстыбабыт 13 % онтон эрэйэр. Ол аата 2020 сылга дохуот киирдэҕинэ, 2021 сылга муус устар ый бүтүөр диэри 3 НДФЛ декларация туттаран, бачча дохуот ыллым, 13 %-на бачча буолар диэн толорон ыытар уонна от ыйын 15 күнүгэр диэри төлүүр. Нолуок 250 тыһыынчаттан элбэх буоллаҕына төлөнөр. Онтон кыра буолла да төлөммөт. Массыынаны 3 сыл устата илдьэ сылдьан баран атыылаатахха, нолуок төлөммөт. Төһө баҕарар сыанаҕа да атыылаа. 3 НДФЛ туттарар наадата суох. Массыынаны 500 тыһыынчаҕа ылан баран, 3 сыл иһигэр 550 тыһыынчаҕа атыылаатахха, нолуок 50 тыһыынчаттан эрэ төлөнөр. Дьиҥнээх барыһа оччо эрэ буоллаҕа. Массыынаны 300 тыһыынчаҕа атыылаатахха, 50 тыһыынчаттан 13 % төлөнөр (250 тыһыынчаттан тахсыбыт сууматтан). Итиннэ барытыгар туоһу буолар дуогабардар баар буолуохтаахтар. Онон урукку дуогабардары мунньа сылдьар оруннаах.

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...