Массыанньыктар албынныыр ньымалара араас

Ааспыт нэдиэлэҕэ Саха сиригэр 12 киһи массыанньыктар угаайыларыгар киирэн биэрэн, харчытын сүтэрдэ.
СӨ Прокуратуратын пресс-сулууспата иһитиннэрэринэн, түөрт киһи уопсайа 4 484 875 солк. суумаҕа инвестицияҕа “оонньоон”, харчыларын үлүннэриэхтэрин баҕарбыттар, оттон 1,3 мөл. солк. массыанньыктар ФСБ сотрудниктара буолан кубулунан көрдөөн ылбыттар. 
Маны таһынан Саха сирин олохтоохторо онлайн ньыманан кирэдьиит ылаары албыннаппыттара бэлиэтэммит. “Суотабай оператортан эрийэбит” диэн албыннаан, 664 тыһ. солк. сойбоппуттар. 
Үс киһи бассаабын “алдьатан”, кинилэр ааттарыттан дьонтон харчы көрдөөбүттэр, уопсай хоромньу – 147 тыһ. солк.
Албыннаппыт дьон бары араас эйгэлээхтэр, араас саастаахтар, идэлээхтэр, кинилэр ортолоругар биэнсийэлээхтэр, күөгэйэр күннэригэр үлэлии-хамсыы сылдьар эдэр дьон кытта бааллар. Массыанньыктар дьону албынныыр ньымалара үгүс. Сэрэххитин сүтэримэҥ!