07.06.2024 | 16:00

Мас тардыһыы кэскилэ

Мас тардыһыы кэскилэ
Ааптар: Киин Куорат
Бөлөххө киир

Георгий Балакшин бэрэссэдээтэллээх Ил Түмэн физическэй култуураҕа уонна спорка сис кэмитиэтин киэҥ ыҥырыылаах төгүрүк остуолугар мас тардыһыыны Арассыыйа уонна аан дойду таһымыгар таһаарыы боппуруоһа дьүүллэһилиннэ.

Бүтүн Арассыыйатааҕы мас тардыһыы федерациятын бэрэсидьиэнэ Михаил  Гуляев, Аан дойдутааҕы мас тардыһыы федерациятын генеральнай сэкирэтээрэ Иннокентий Григорьев уонна мас тардыһыыны сайыннарыыга үбүлээһин туһунан Саха Өрөспүүбүлүкэтин спорка миниистирин солбуйааччы Гаврил Мохначевскай сүрүн иһитиннэриилэри оҥордулар. Норуот дьокутааттарыттан уонна ыҥырыылаах ыалдьыттартан үгүс ыйытыы, этии киирдэ.

Кэпсэтиилэр сүнньүлэринэн ылыллыбыт рекомендацияҕа Саха Өрөспүүбүлүкэтэ спорт национальнай көрүҥнэрин сайыннарыыга утумнаах үлэни ыытара бэлиэтэннэ.

Арассыыйаҕа мас тардыһыытын 63 федерацията үлэлиир, дьарыктанааччы кэккэтэ сыллата хаҥыыр. Аан дойдуга 53 дойду мас тардыһыытынан дьарыктанар. Саха сиригэр 10, Арассыыйаҕа 6, аан дойдуга 21 күрэхтэһии, араас дьаһаллар сыл устата ыытыллаллар. 2022 сыл бэс ыйын 21-27 күннэригэр Дьокуускай куоракка Саха АССР төрүттэммитэ 100 сылыгар аналлаах аан дойду чемпионатыгар 38 дойдуттан 130 спортсмен кэлэн кыттыбыта. Манчаары аатынан спорт национальнай көрүҥнэригэр киин мас тардыһыытын бэлиэлэрин, инбэнтээрин, спортсменнар таҥастарын патеннаабыт. Научнай хааччыйыыга үлэ барар. Өрөспүүбүлүкэ бырабыыталыстыбата 2021 с. алтынньы 7 күнүгэр анал дьаһалы таһаарбыт. 2023 с. Аан дойдутааҕы мас тардыһыытын киинэ тэриллибит. М.К. Аммосов аатынан ХИФУ физическэй култуураҕа института (Гоголев Н.Е.) уонна Чурапчытааҕы спорт института (Готовцев И.И.) каадырдары бэлэмнииллэр. Мас тардыһыытын Олимпийскай оонньууларга киллэрии 2036 с. былааннанар.

Спорт национальнай көрүҥнэрин сүүмэрдэммит хамаандаларын материальнай-тэхиньиичэскэй хааччыйыы, үбүлээһин, тренердэр хамнастарын үрдэтии улахан болҕомтоҕо, өйөбүлгэ наадыйаллар.

Итэҕэстэри туоратарга Саха Өрөспүүбүлүкэтин Бырабыыталыстыбатыгар (К.Е. Бычков), Саха Өрөспүүбүлүкэтин физическэй култуураҕа уонна спорка министиэристибэтигэр (Л.Н. Спиридонов) Рекомендациялар ылылыннылар. Боппуруос быһаарыллан иһиитин Ил Түмэн Сис кэмитиэтин мунньаҕар аны күһүн көрөргө болдьостулар.

Сонуннар

Ордук ааҕаллар

Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...
Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...