Марина Герман: Саха сиригэр 106 тыһыынчаттан тахса оҕоҕо босуобуйа ананна

2023 сыл сэтинньи 15 күнүнээҕи дааннайдарынан, Социальнай пуонда Саха сиринээҕи салаата биир кэлим босуобуйаны 106 323 оҕоҕо уонна 4 273 хат дьахтарга анаата. Ити сыалга уопсайа 14 052 847 721 солкуобай туһуланна. Бу туһунан Арассыыйа Социальнай пуондатын Саха сиринээҕи салаатын управляющайа Марина Герман иһитиннэрдэ.

«Биир кэлим босуобуйа 17 сааһын туола илик оҕолоох дьиэ кэргэҥҥэ, дохуота муҥутаан тиийинэн олоруу алын кээмэйигэр тиийбэт буоллаҕына ананар. Саха сиригэр ити кээмэй: бастакы зонаҕа (Арктическай зона оройуоннара) – 25 396 солкуобай; иккискэ – (киин улуустар уонна Дьокуускай куорат) – 21 272 солкуобай», – диэтэ кини.

Марина Герман санаппытынан, биир кэлим босуобуйа базовай кээмэйэ бастакы зонаҕа 13 197 солкуобай 50 харчыга тэҥнэһэр, ити оҕо олорор регионугар муҥутаан тиийинэн олоруу алын кээмэйин 50%-на.

Иккис зона биир кэлим босуобуйатын базовай кээмэйэ – 11 054,5 солкуобай (оҕо олорор регионугар муҥутаан тиийинэн олоруу алын кээмэйин 50%-на).

75%-наах суума, 50% кээмэйдээх босуобуйаны анаабыттарын үрдүнэн, дьиэ кэргэн дохуота муҥутаан тиийинэн олоруу алын кээмэйигэр тиийбэт буоллаҕына төлөнөр. 75%-наах төлөбүр кэнниттэн алын кээмэйгэ дохуоттара син-биир тиийбэт буоллаҕына, 100% кээмэйдээх босуобуйа төлөнөр.