04.05.2023 | 21:56

Марха бөһүөлэгэр арыллыбыт саҥа патриотическай хоһу бэтэрээн Наум Слепцовка анаатылар

Марха бөһүөлэгэр арыллыбыт саҥа патриотическай хоһу бэтэрээн Наум Слепцовка анаатылар
Ааптар: Киин Куорат
Бөлөххө киир

Улуу Кыайыы күнүн көрсө Марха бөһүөлэгэр Аҕа дойду Улуу сэриитин бэтэрээнэ Наум Трифонович Слепцовка аналлаах «Төрөөбүт дойду туохтан саҕаланарый?» саҥа креативнай миэстэ арылынна. Бырайыак ааптара - Мархатааҕы «Чэчир» Култуура дьиэтин салайааччыта Яна Мухина.
Наум Трифонович бэйэтин эҕэрдэ тылыгар Кыайыыны уһансыбыт көлүөнэ бэрэстэбиитэлэ буоларынан киэн туттарын эттэ уонна төрөөбүт дойду историятыгар, үлэнэн уонна бойобуой хорсун быһыылары көрдөрбүт дьоҥҥо ытыктабыллаахтык сыһыаннаһарга, холобур оҥосторго ыҥырда.
«Чэчир» Култуура дьиэтигэр арыллыбыт саҥа хос «Великая Отечественная война в лицах», «Героям, участникам боевых действий разных времен посвящается…», «Россия — это сила, слава, великие люди!», «Мир глазами детей» диэн түөрт зонаҕа арахсар. Манна бэтэрээннэри кытта көрсүһүүлэри, айар дьарыктары, маастар-кылаастары ыытар былааннаахтар. Көрдөрүүгэ историяны сэһэргиир матырыйааллар,  дьоруойдар тустарынан документальнай уонна уус-уран киинэлэр бааллар. 
Наум Трифонович Слепцов Аҕа дойду Улуу сэриитин II истиэпэннээх уордьанын, «Японияны кыайыы иһин» мэтээл хаһаайына, «Туйгун пулеметчик», «Саха Өрөспүүбүлүкэтин бочуоттаах бэтэрээнэ», «Саха Өрөспүүбүлүкэтин педагогическай үлэҕэ уонна спорка бэтэрээнэ» анал бэлиэлэринэн наҕараадалаах. 
Саҥа хоһу арыйыы үөрүүлээх бырааһынньыгар «Дореми», «Мархиночка», «Кадеттар» ырыа ансаамбыллара, «Меридиан» үҥкүү кэлэктиибэ, хор кыттыыны ыллылар.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.