04.03.2024 | 15:30

Мархаҕа 2027 сылга диэри оскуола, оҕо саада, спорт оскуолата курдук бөдөҥ социальнай эбийиэктэр баар булуохтара

Мархаҕа 2027 сылга диэри оскуола, оҕо саада, спорт оскуолата курдук бөдөҥ социальнай эбийиэктэр баар булуохтара
Ааптар: Киин Куорат
Бөлөххө киир

Марха бөһүөлэгин олохтоохторун иннигэр 2023 сыл социальнай-экономическай түмүктэрин, 2024 сыл былааннарын туһунан Олохтоох дьаһалта отчуотун баһылыгы социальнай боппуруостарга солбуйааччы Наталья Степанова кулун тутар 1 күнүгэр иһитиннэрдэ.

Наталья Романовна отчуокка мустубут нэһилиэнньэҕэ 2019 сылтан олоххо киллэриллэр «Үөрэхтээһин», «Хаачыстыбалаах уонна куттала суох суоллар», «Демография», «Олорор дьиэ уонна куорат эйгэтэ», «Култуура» нацбырайыактар хаамыыларын, дойду баһылыга Владимир Путин өйөбүлүн ылбыт маастар-былаан туһунан кэпсээтэ, ол чэрчитинэн бүгүн Дьокуускай куоракка историяҕа суох элбэх оскуола уонна спорт эбийиэгэ тутулларын бэлиэтээтэ.

Чуолаан Марха бөһүөлэгэр «Хаачыстыбалаах уонна куттала суох суоллар» нацбырайыагынан 2023 сылга Можайскай уулуссатын Пилоттар уулуссаларыттан Строд уулуссатыгар диэри кэрчигин уларытан тутуу саҕаламмыт, «Севернай» кыбаартал уулуссаларын (1-кы түһүмэх) хапытаалынай өрөмүөнэ ыытыллар. Ярославскай уулуссатыгар уот тардыллыбыт.

Өрөспүүбүлүкэтээҕи хаарбах дьиэттэн көһөрүү аадырыстаах бырагырааматынан 68 кыбартыыраттан 200 киһи көһөрүллүбүт, «1000 тиэргэн» бырагырааманан Маҕан трагын 2 км, 1-3 аадырыстаах дьиэ тиэргэнигэр тупсарыы үлэтэ ыытыллыбыт.

Быйыл, 2024 сылга, Можайскай уулуссатын саҥардан тутуу түмүктэнээри турар, «Севернай» кыбаартал (2-с түһүмэҕэ) уонна Мелиоратордар уулуссаларын хапытаалынай өрөмүөнэ саҕаланаллар.

«Севернай» кыбаарталга 2026 сылга 550 миэстэлээх оскуола уонна 360 миэстэлээх оҕо саада баар буолуохтара, оттон 2027 сылга 800 миэстэлээх оҕо спорт оскуолата арыллыаҕа. Чугастааҕы былааннарга Газовиктар уулуссаларыгар оҕо саадын тутуу, Строд уул., 10/3А, Заводская уул., 20/1 тиэргэннэрин өрөмүөнэ тураллар.

Отчуот кэнниттэн үгэс курдук олохтоохтор ыйытыыларыгар хоруйдааһын буолла. Ол курдук, нэһилиэнньэ Мархаҕа култуура дьиэтэ, МФЦ арыллалларын, Мархинка үрэххэ муоста тутуутун, ыраастааһын наадатын туруорсар, уулуссалары сырдатыы, сылаас тохтобуллары тутуу, сорох тохтобуллары көһөрүү, дьэллик ыттар, уунан, уотунан хааччыйыы, көҕөрдүү үлэтин кыһалҕалара эмиэ болҕомто киинигэр турдулар.

Түөлбэ олохтоохторо маны сэргэ тротуар, суоллары грейдердээһин, үрдэтии наадатын ыйдылар, Кирзавод оройуонугар ууну араарыы элбээбитин  интэриэһиргээтилэр. Маҕан кылабыыһатыгар олбуору тутарга, храм утары турар умайбыт дьиэни көтүрэргэ, саҥа тутуллубут уопсастыбаннай баанньыкка пандус оҥорорго көрдөстүлэр.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Тустууга уларыйыылары күүтэллэр
Дьон | 30.03.2024 | 12:00
Тустууга уларыйыылары күүтэллэр
Хаһыаппыт бүгүҥҥү ыалдьыта – ССРС көҥүл тустууга аан дойду кылаастаах бүтэһик спорт маастара, Улуу Коркин сүмэлээх сүбэтин истибит, Таилиҥҥа тиийэ тренердээбит Михаил Протопопов. Михаил  Егорович «Киин куорат» хаһыат ааҕааччыларын кытта уһуйуллубут тренердэрин, көбүөргэ умнуллубат киирсиилэрин туһунан, тустууну сайыннарыыга тус көрүүлэрин үллэстэр.   – Михаил Егорович, үтүө күнүнэн! ССРС саҕана тыа сирин...
«Эн эмиҥ аттыгар үүнэр...»
Дьон | 30.03.2024 | 10:00
«Эн эмиҥ аттыгар үүнэр...»
Светлана Ивановна Попова – Нам улууһун Хатырык нэһилиэгин олохтооҕо, түөрт оҕо иһирэх ийэтэ, элбэх сиэн эйэҕэс эбэтэ. Кини Максим Аммосов төрөппүт кыыһа Лена Аммосованы, эдьиийэ Наталья Кировна кыыһа Мария Охлопкованы кытта өр сыллаах истиҥ сыһыаннарын сэһэргээтэ. 80-гар чугаһаабыт ытык кырдьаҕастан Саха сирин эмтээх үүнээйилэрин хомуйар ураты дьарыгын эмиэ туоһуластыбыт, ааҕааччыларбытыгар...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...