Маникюрбут үйэтин уһатабыт

1. Уопуттаах маастар өҥөтүнэн туһанар, хаачыстыбалаах матырыйаалынан оҥорторор ордук.  
2. Исписэлиистэр тыҥыраҕы сынньата түһэр, 2 нэдиэлэ кэриҥэ анал эмтээх лааҕынан сотор буолуҥ диэн сүбэлииллэр.
3. Маникюр кэнниттэн 2-3 чаас илиигитин илитимэҥ, мыылалаамаҥ, ол-бу сириэстибэнэн соттумаҥ. Гель араҥата үчүгэйдик кытаата илик буолан, кэлин килэбэчийбэт буолуон сөп.
4. Икки күн баанньыкка, саунаҕа сылдьартан туттунуҥ. Температура түһүүтүттэн-тахсыытыттан гель-лаах онон-манан үллэн тахсыан сөп.
5. Тыҥырах оҥорторбут күҥҥүтүгэр дьиэни-уоту, таҥаһы илиинэн сууйумаҥ эбэтэр бэрчээккилээх үлэлээҥ. Бороһуок, ол-бу сириэстибэ тыҥырахха киириэн, түмүгэр онон-манан хайа барыан сөп. 
6. Быһаҕынан уонна кыптыыйынан сэрэнэн туттуҥ. 
7. Тыҥырах кытыытын бэйэҕит кырыйымаҥ, маастарга тиийэргит ордук.
8. Тыҥырах тосто сылдьар, олус чараас буоллаҕына, маникюрга барбат ордук.
9. Гель-лаах эргэрдэҕинэ, бэйэҕит хоҥноро сатаамаҥ. Тыҥырах үөһээҥҥи араҥата эмсэҕэлиэн сөп. Анал убаҕаһынан эбэтэр биирдэ туттуллар салпыакканан туттуҥ. Ордубут лааҕы апельсин палочкатынан сэрэнэн ыраастааҥ, тимир пилканан туттумаҥ.
10. Маастар үлэлиир матырыйаалын өйдөөн көрүҥ – барыта биир маарка буолуохтаах. Лаах, кытаатыннарар бүрүөһүн, лаампа тус-туспа оҥорон таһаарааччылаах – оччоҕуна маникюр үйэтэ кылгас.
11. Аптекаҕа, нейл-маҕаһыыннарга ланолиннаах “Крем для кутикулы” диэн атыыланар, тыҥыраҕы онон соттор үчүгэй.
12. Тыҥырах уһуор, тостон бүтүөр диэри сылдьымаҥ. Маастарга баран уһултарар ордук.