Манчаары оонньуулара көрөөччүтэ суох ыытыллар

Спорт сахалыы национальнай көрүҥнэригэр ыытыллар «Манчаары Оонньуулара» Спартакиаданы «Якутия 24», «Саха» НКИХ, «Мамонт» телевизионнай ханаалларыгар, «Тэтим» араадьыйаҕа уонна YouTube ханаалыгар от ыйын 6-11 күннэригэр көрүөххэ сөп. 
Спортивнай тэрээһин Горнай улууһун Бэрдьигэстээх сэлиэнньэтигэр  көрөөччүтэ суох ыытыллар. Күрэхтэһии дневнигын уонна быһа эфирдэри таһаарар курдук «Саха» НКИХ 100 киһилээх айар бөлөҕө тэриллибит.
Спартакиадаҕа анаммыт эфирдэр от ыйын 6 күнүттэн тахсаллара былааннанар. Өрөспүүбүлүкэ олохтоохторо Манчаары оонньууларын үөрүүлээх аһыллыытын уонна түмүктээһинин, ох саанан ытыыга, чэпчэки атлетикаҕа, мас тардыһыытыгар, хапсаҕайга уо.о.д.а. көрүҥнэргэ күрэхтэһиини уонна ат сүүрдүүтүн көрүөхтэрэ. 
Спартакиада үөрүүлээх аһыллыыта от ыйын 7 күнүгэр олохтоох бириэмэнэн киэһэ 21.00 чааска саҕаланыа. Быһа эфири уонна күрэхтэһии уһуллубутун «Саха» НКИХ AppStore уонна GooglePlay мобильнай сыһыарыытыгар  көрүөххэ сөп.