Маастар-кылааска балаклавалары тигэллэр

Маастар-кылаастар сэтинньи 6 күнүгэр диэри күҥҥэ иккитэ ыытыллыахтара. «Хас биирдии тикпит балаклавабытыгар «Үс кут» ойуулаах этикеткэлэри иилэбит. Харысхалбыт саллааттарбытын араҥаччылыы сырыттын», - диэн кэпсиир Худуоһунньук дьиэтин методиһа Варвара Заровняева.

Алтынньы 14 күнүттэн барыта сэттэ маастар-кылаас ыытыллыбыт. Ити кэм устата сүүрбэ үөрэнээччи 34 балаклаваны тикпит.

«Маннык аахсыйалары ыытар наада, хас биирдиибит төһө кыалларынан көмөлөһөр эбээһинэстээхпит дии саныыбын. Уопсай дьыалаҕа көмө буолбуппуттан киэн туттуом. Сулууспалыыр дьоммут кыһалларбытын, кинилэри күүтэрбитин билиэхтээхтэр», — диир СӨ Доруобуйа харыстабылыгар миниистирин солбуйааччы Надежда Федорова, аахсыйа кыттыылааҕа.

Аахсыйаҕа кыттыан баҕалаах дьон оптуорунньуктан субуотаҕа диэри 10-18 ч. Дьокуускай, Лермонтов уул., 31/2б аадырыһыгар тиийиэххитин сөп. Билсэр төлөпүөн: +7 (924) 661-57-55.