18.03.2022 | 16:00

Маастар-былаан оҥоһуутунан олохтоохтортон ыйытык салҕанар

Маастар-былаан оҥоһуутунан олохтоохтортон ыйытык салҕанар
Ааптар: Киин Куорат

2022 сыл кулун тутар 20 күнүгэр диэри Дьокуускайга куорат сайдар кэскилин, олох хаачыстыбатын таһымын, инфраструктурнай уонна социальнай кыһалҕалар тустарынан уопсастыбаннас санаатын билэр сыаллаах нэһилиэнньэттэн ыйытык салҕанар. Бу туһунан Олохтоох дьаһалта пресс-сулууспата иһитиннэрдэ.
Тэрээһиҥҥэ кыттарга https://opros.masterplan-yakutsk.ru/ сайтка киирэн анкета ыйытыктарыгар хоруйдуохха сөп. Ыйытыктар тиэмэлэринэн үс салааҕа араарыллыбыттар. Бырайыак ситиһиилээх буолара киин куоракка олорор уонна үлэлиир дьонтон тутулуктааҕын өйдүөх тустаахпыт. 
Маастар-былаан – Дьокуускай куорат сайдыытын орто уонна уһун болдьоххо былааннаммыт сүрүн хайысхаларын түстүүр докумуон. Кини сыалынан киин куорат уонна өрөспүүбүлүкэ бүттүүнүн стратегическай соруктарын быһаарыы буолар. Маастар-былаан регион социальнай-экономическэй сайдыытыгар, бигэ туруктаах буолуутугар төһүү күүһүнэн буолуоҕа – куорат эйгэтин тупсарыыга, социальнай интеграцияны үрдэтиигэ, экономиканы тэтимирдиигэ.  
Дьокуускай куорат маастар-былаанын оҥоруу бырайыага 2021 сыл сэтинньи 17 күнүгэр саҕаламмыта. Көҕүлээччинэн Өрөспүүбүлүкэ Баһылыгын иһинэн үлэлиир архитектураҕа уонна куораты тутууга Управлениенан сирэйдэнэн Саха Өрөспүүбүлүкэтин Бырабыыталыстыбата буолар. Партнердара – «ДОМ.РФ» АУо, Олохтоох дьаһалта, «Саха Өрөспүүбүлүкэтин үүнэр көлүөнэтин целевой пуондата» кэмиэрсийэтэ суох тэрилтэ. Куонкурус оператора – «ЦЕНТР» Агентство.
Нэһилиэнньэ ыйытыгын түмүктэрэ маастар-былааны оҥорууга Бүтүн Арассыыйатааҕы аһаҕас куонкурус кыттыылаахтарын техническэй сорудахтарын төрүтүнэн буолуохтара.

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.