Маҥан таҥаһы сууйарга 7 тэттик сүбэ

1. Сотору-сотору сууйуҥ, ол эрээри анал химиянан үлүһүйэр наадата суох. Наһаа элбэх бороһуоктан туттунуҥ, гранулалара таҥас быыһыгар мунньуллан хаалыахтарын, быылы тарда сытыахтарын сөп. Аҕыйах сириэстибэнэн сууйар уонна кичэйэн сайҕыыр ордук.
2. Хлордаах сириэстибэ таҥаһы маҥхатар, ол эрээри намчы быһыылаах таҥаһы алдьатар, кэбирэтэр. Ол түмүгэр сөбүлүүр таҥаскыт бөххө эрэ быраҕыллар туруктаныаҕа. Бу оннугар лимон суогун туһаныахха сөп. Олус күүскэ киртийбэтэх таҥаһы сууйарга үчүгэй, быһыытын, тутулун алдьаппат. 
3. Уопсайынан, сырдык таҥаһы тута сууйтаран иһиҥ. Пластик контейнерга өр сытан, салгына тиийбэккэ саһарар. Кирдээх таҥаһы лүөн эбэтэр джут корзинаҕа мунньар ордук диэн сүбэлиибит.
4. Таҥаһы сырдык эрэ диэн барытын бииргэ хаалаамаҥ. Маҥан таҥаһы туспа сууйуҥ. Маны сэргэ, өҥнөөх таҥастан уратыта диэн – итии ууттан куттаммат.
5. Маҥхатарга синьканы туһанар үчүгэй. Саһарбытын сүтэрэр. 1 лиитирэ ууга чаайынай ньуоска 4 гыммыт 1-рин кутуҥ. 
6. Кыаллар буоллаҕына, таһырдьа куурдуҥ. Күн – бастыҥ маҥхатааччы.
7. Уһун кэмҥэ харайа ууруох иннинэ хайаан да сууйуҥ. “Биирдэ эрэ кэппитим, киртийбэтэҕэ” диир сыыһа. Сорох бээтинэ таҥас уһуннук сыттаҕына тахсан кэлэр.