02.10.2020 | 11:11

Маҕан орто оскуолатыгар саҥа киин үлэлээтэ

Маҕан орто оскуолатыгар саҥа киин үлэлээтэ
Ааптар: Киин Куорат
Бөлөххө киир

Аҕыйах хонуктааҕыта Маҕан орто оскуолатыгар “Точка роста” киин аһылынна. Үөрэнээччилэри, оскуола кэлэктиибин үөрэх кыһатыгар бэлиэ күнүнэн Арассыыйа үөрэҕин миниистирэ Сергей Кравцов онлайн эҕэрдэлээтэ. 

Тэрээһиҥҥэ социальнай боппуруостарга куорат баһылыгын солбуйааччы Наталья Степанова, Үөрэх управлениетын начаалынньыга Алексей Семенов, “Ритм” култуура дьиэтин дириэктэрэ Татьяна Тарасенко, 69 №-дээх “Брусничка” оҕо уһуйаанын сэбиэдиссэйэ Варвара Татаринова, “Библиополе” нэһилиэк модельнай библиотекатын сэбиэдиссэйэ Мария Тимофеева, о.д.а. ыҥырыылаах ыалдьыттар кытыннылар. 

Наталья Степанова информатизация уонна цифровизация киһи олоҕор суолталарын, аныгы технологиялар үүнүү-сайдыы тирэҕэ буолалларын бэлиэтээтэ.

Арассыыйа үөрэҕин миниистирэ Сергей Кравцов дойду хас биирдии оҕо хаачыстыбалаах үөрэҕи ыларыгар, талаанын сайыннарарыгар дьулуһарын туһунан эттэ. Ону таһынан “Үөрэхтээһин” национальнай бырайыак чэрчитинэн тыа сиригэр уонна кыра куораттарга, уопсайа 27 тыһыынча оскуола аныгы оборудованиенан хааччылларын туһунан иһитиннэрдэ.

Үөрэх управлениетын начаалынньыга Алексей Семенов бырайыак аналын, уратытын кэпсээтэ, бу кииҥҥэ оҕолор элбэх саҥаны билиэхтэрэ, саҥа арыйыылары оҥоруохтара диэтэ.    

Сонуннар

Ордук ааҕаллар

Оҕуруо абылаҥар ылларбыт Роза Спиридонова
Дьон | 31.05.2024 | 14:00
Оҕуруо абылаҥар ылларбыт Роза Спиридонова
Роза Яковлевна Спиридонова Дьокуускай куорат 39 №-дээх «Ромашка» уһуйааныгар музыкальнай салайааччынан үлэлиир. Бүгүҥҥү сэһэргэһээччим, чахчы, талба талааннаах киһи. Кини оҕуруонан үлэлэрэ ханнык да көмүс оҥоһуктан хаалсыбаттар. Роза Яковлевна Ньурба Маалыкайыттан төрүттээх. Эбэтэ уонна ийэтэ суохтан баар оҥорор, кыраттан да элбэҕи айан таһаарар, эргэни саҥа тыынныыр сатабыллаах хаһаайкалар, көмүс тарбахтаах иистэнньэҥнэр...
Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...