20.08.2021 | 16:41

Маҥан олохтоохторо Ил Дархан Дьокуускай социальнай-экономическэй сайдыытын бырайыагын туһунан Ыйааҕын дьүүллэстилэр

Маҥан олохтоохторо Ил Дархан Дьокуускай социальнай-экономическэй сайдыытын бырайыагын туһунан Ыйааҕын дьүүллэстилэр
Ааптар: Киин Куорат

Куорат баһылыга Евгений Григорьев атырдьах ыйын 19 күнүгэр Маҥан сэлиэнньэтин олохтоохторун кытта көрсөн киин куорат 2022-2032 сылларга социальнай-экономическэй сайдыытын бырайыагын билиһиннэрдэ. 
Көрсүһүүгэ Евгений Григорьев быйыл «Куттала суох уонна хаачыстыбалаах суоллар» национальнай бырайыак чэрчитинэн Маҥан сэлиэнньэтигэр Кыайыы 40 сыла уулусса өрөмүөннэнэрин эттэ. Маны сэргэ Брусничнай уулуссаҕа сырдатыы ситимэ оҥоһуллар. Маҥанныыр тракт куорат диэки барар өттүгэр  быйыл «Аэропорт» уонна «Маҕаһыын» сылаас тохтобуллары туруоруохтара. 
«2024 сылга Сосновай уулусса суолун, Алымов 7 №-гэр баар стадион территориятын элбэх функциялаах спорт балаһааккатын оҥоруохпут. Түргэнник тутуллар спорт саалатын курдук оҥорор былаан баар. Модульнай эбийиэк тутан онно оскуоланы уонна оҕо уһуйаанын киллэрэр санаалаахпыт»,  – диэн бэлиэтиир куорат баһылыга.
Маҥан сэлиэнньэтин сүрүн кыһалҕата – кииннэммит уу ситимэ суоҕа. Икки оробуочай скважина баар даҕаны уулара иһэргэ барсыбата биллибит. «Куорат хаһаайыстыбатын үлэлэтэр сулууспа» МКТ салайааччыта Айаал Егинов ити кыһалҕаны быһаарарга бырайыактыыр тэрилтэни кытта хантыраак түһэрсиллибитин эттэ. 
«Ити үлэ чэрчитинэн инники сайдыыны учуоттаан үс хайысханы көрөбүт. Бастакы вариант — резервуар тутан иһэр ууну аҕалааһын. Иккис – Маҥанныыр тракт уонна Экспериментальнай уулуссалар быһа охсуһууларыгар 13 км кэриҥэ усталаах уу ситимин тутуу. Үһүс – ууну бэлэмниир станцияны тутуу», – диэтэ  Айаал Егинов.
Сөбүлэҥ кэнниттэн кииннэммит уу ситимин түмүк вариана ылыллар. Куорат баһылыгын сорудаҕынан бырайыагы Маҥан сэлиэнньэтин олохтоохторун кытта дьүүллэһиэхтэрэ. 
Олохтоохтор оҕо уһуйаанын тутуутун, аптека пуунунан хааччыйыыны, ынах-сүөһү аһылыга тиийбэтин туһунан уо.о.д.а. ыйытыктары биэрдилэр.
Куорат баһылыга Евгений Григорьев Маҥан сэлиэнньэтин олохтоохторун бары ыйытыктарын тус хонтуруолугар ыларын туһунан эттэ.

Сонуннар

Ордук ааҕаллар

Педиатр Елена ИВАНОВА:  «Улаатар оҕоҕо — ураты болҕомто»
Дьон | 21.09.2021 | 12:00
Педиатр Елена ИВАНОВА: «Улаатар оҕоҕо — ураты болҕомто»
Бүгүн “Яннамед” медицинскэй клиника педиатр бырааһа Елена Владимировна Иванова ыалдьыттыыр. Кинини кытта оҕо доруобуйатын туһунан кэпсэтиибитин сэргээн ааҕыҥ.   Быраас анала – Кыра оҕо туга ыалдьарын сатаан кэпсээбэт, уопсайынан, кырачаан дьону кытта үлэлиир ыарахан. Педиатрияны тоҕо талбыккыный? Үлэҥ уратытын туһунан кэпсиигин? –  Мин оҕолору кытта үлэлиэм диэн эрдэттэн быһаарыммытым. Эдьиийим...
Баһаарга үлэлээбит волонтердар доруобуйаларын бэрэбиэркэлии медиктэр кэллилэр
Сонуннар | 14.09.2021 | 16:50
Баһаарга үлэлээбит волонтердар доруобуйаларын бэрэбиэркэлии медиктэр кэллилэр
Балаҕан ыйын 14 күнүгэр Дьокуускайга Федеральнай медико-биологическай агентство биригээдэтэ кэллэ. Медиктэр баһаары умуруорууга кыттыбыт волонтердар доруобуйаларын туругун көрүөхтэрэ. Федеральнай Сибиирдээҕи научнай-клиническэй киин генеральнай дириэктэрэ Борис Баранкин СӨ премьера Андрей Тарасенколыын көрүстэ. СӨ доруобуйа харыстабылыгар Министиэристибэтэ иһитиннэрбитинэн, сэрэтэр хайысхалаах медицинскэй көрүү испииһэгэр өрөспүүбүлүкэ 500-тэн тахса олохтооҕо киирбит.  Бу иннинэ өрөспүүбүлүкэ бырабыыталыстыбата...
Дьокуускайга үөрэҕирии үлэһиттэрин балаҕан ыйынааҕы мунньахтара ыытыллар
Сонуннар | 15.09.2021 | 18:00
Дьокуускайга үөрэҕирии үлэһиттэрин балаҕан ыйынааҕы мунньахтара ыытыллар
Балаҕан ыйын 14 күнүттэн Дьокуускайга «Актуальные вопросы достижения стратегической цели повышение качества образования» диэн тиэмэнэн үөрэҕирии үлэһиттэрин балаҕан ыйынааҕы мунньахтара ыытыллар. Ол туһунан Уокуруктааҕы дьаһалта пресс-сулууспата иһитиннэрдэ.  Быйылгы мунньах дьүүллэһиитигэр Дьокуускай куоракка үөрэҕирии хаачыстыбатын үрдэтэр сыаллаах түөрт хайысха көрүллэр: иитии уонна эбии үөрэхтээһин боппуруостара; муниципальнай уонна  үөрэҕирии тэрилтэтин таһымнарыгар үөрэҕирии...
Гаас ситимнэригэр саҥа быраабыланан холбуохтара
Сонуннар | 17.09.2021 | 14:00
Гаас ситимнэригэр саҥа быраабыланан холбуохтара
Социальнай газификация уратыларын учуоттаан, Арассыыйаҕа гаас ситимнэригэр холбонорго саҥа быраабылалар олоххо киирэллэр. Ити уонна да атын кэккэ докумуоннары, бэрэсидьиэн көҕүлээбит бырагыраамаларын олоххо киллэрэр курдук,  бырабыыталыстыба бэрэссэдээтэлэ Михаил Мишустин бигэргэппит.  Быраабылаҕа этиллибитинэн, гааһы тарҕатар инфраструктура баар эрэ нэһилиэнньэлээх пууннарыгар гаас киириэн сөп уонна уонна дьиэ кэргэн тус сыалларыгар эрэ холбонор. Кэмиэрсиэйэ...