«Мөлүйүөн сибэкки» күрэх саҕаланна

Дьокуускай куорат Уокуруктааҕы дьаһалтата бүгүҥҥүттэн «Мөлүйүөн сибэкки» күрэххэ кыттарга сайабылыанньа хомуйар. 
Күрэх чэрчитинэн көҕөрдүү, сибэккинэн киэргэтии тас көрүҥэ, ис хоһооно көрүллэр. 
Күрэх сүрүн сыала – тэрилтэлэр, уопсастыбаннай тэриллиилэр, территориальнай бэйэни салайыныы уопсастыбалара күөх үүнээйилэри элбэтэр, сибэккинэн киэргэтэр үлэлэрин көрөн биһирээһин уонна көҕөрдүү үлэтигэр нэһилиэнньэ гражданскай көҕүлээһинин сайыннарыы буолар. 
«Мөлүйүөн сибэкки» күрэххэ юридическэй сирэйдэр, предпринимателлэр, физическэй сирэйдэр, коммерческайа суох тэрилтэлэр, территориальнай бэйэни салайыныы уопсастыбалара сайаапка   биэрэн, регистрацияланан кыттыахтарын сөп. 
Күрэх «Сибэккинэн бастыҥ киэргэтии» номинациянан категорияларга араартаан ыытыллар:
а) тэрилтэлэр;
б) атыы-эргиэн уонна өҥө эбийиэктэрэ;
в) оскуолаҕа киирии иннинээҕи үөрэҕирии тэрилтэлэрэ;
г) үөрэҕирии тэрилтэлэрэ;
д) тиэргэ территорията;
е) уопсастыбаннай тэриллиилэр, территориальнай бэйэни салайыныы уопсастыбалара.
«Мөлүйүөн сибэкки» күрэх 2021 сыл от ыйын 2 күнүттэн атырдьах ыйын 16 күнүгэр диэри ыытыллар. Сайаапкалары 2021 сыл от ыйын 2 күнүттэн атырдьах ыйын 2 күнүгэр маннык аадырыска биэрэллэр: Дьокуускай куорат, Гоголь уулуссатын 1 №-дээх дьиэтэ, 12 №-дээх кэбиниэт, үлэ күнүгэр  (субуотаттан, баскыһыанньаттан ураты) сарсыарда 09:00 киэһэ 17:00 чааска диэри, эбиэт бириэмэтэ - 13.00-14.00, билсэр төлөпүөннэр: 42-07-55, 42-24-84.
Электроннай почта mkusgha@mail.ru.