«Лучшие семейные предприятия Якутии-2021» бырайыакка сайаапканы хомуйуу уһаата

2018 сылтан РФ Атыыга-эргиэҥҥэ промышленнай палатата «Успешная Семья – успешная Россия!» диэн Бүтүн арассыыйатааҕы дьиэ кэргэн предпринимательствотын форумун ыытар. Балаһаакка 85 регионтан 3,5 тыһ. кэриҥэ  дьиэ кэргэн хампаанньаларын түмэр. 
Форум сүрүн сыала – Арассыыйаҕа дьиэ кэргэн биисинэһин экономика бөҕө туруктаах салаатын быһыытынан тарҕатыы, өйөбүл аадырыстаах бырагырааматын бииргэ оҥорооһун.
«СӨ Атыыга-эргиэҥҥэ промышленнай палатата» холбоһук уонна предпринимательство, атыы-эргиэн уонна туризм Министиэристибэтин «Мой бизнес» Киинин кытта аан бастакы төгүлүн «Лучшие семейные предприятия Якутии-2021» бырайыагы ыытарын туһунан иһитиннэрдэ.  
Бырайыакка кыттыан баҕалаах дьиэ кэргэн тэрилтэлэриттэн сайаапкалары хомуйуу уустук эпидемиологическай балаһыанньанан 2021 сыл балаҕан ыйын 10 күнүгэр диэри уһатылынна. 
«Лучшие семейные предприятия Якутии-2021» бырайыак сүрүн соруга – дьиэ кэргэн тэрилтэлэрин сайыннарыыга уопуттарын үөрэтии уонна ситимнээһин. Бырайыак сайдар уонна саҥа этиилэринэн ситэриллэр.  
РФ президенэ В.В. Путин Судаарыстыбаннай Думаҕа «О развитии малого и среднего предпринимательства в Российской Федерации» 2007 сыл от ыйын 24 күнүнээҕи 209-ФЗ №-дээх Федеральнай сокуоҥҥа уларыйыылары киллэрэн, дьиэ кэргэн биисинэһин дьоҕус предпринимательствоҕа тэҥниир туһунан сорудахтаабыт. 
СӨ «Успешная Семья – успешная Россия!» Бүтүн арассыыйатааҕы форумҥа мэлдьи дьиэ кэргэн тэрилтэлэрин чаҕылхайдык көрдөрөн кэлбит. Уокуруктаа5ы дьаһалта, предпринимательство, атыы-эргиэн ырыынагын уонна туризм сайдыытын Департамена предпринимателлэри «Лучшие семейные предприятия Якутии-2021» бырайыакка кытталларыгар ыҥырар.
Күрэххэ кыттыан баҕалаахтар «СӨ Атыыга-эргиэҥҥэ промышленнай палатата» холбоһуктан ыйыталаһаҕыт: 677027, Арассыыйа, СӨ, Дьокуускай куорат, Киров уул., 18, В блок, 812 офис, тел./факс: 8 (4112) 42-11-32, 42-07-89, www.tppsakha.ru, электроннай почта: tpp14@mail.ru, инстаграм @tpp_sakha.