28.01.2023 | 11:00

Ленинград блокадатын кыттыылаахтарын харах уулаах бырааһынньыга

Ленинград блокадатын кыттыылаахтарын харах уулаах бырааһынньыга
Ааптар: Киин Куорат
Бөлөххө киир

Ленинград блокадата түмүктэммитэ 79 сылынан баһылык Евгений Григорьев Дьокуускай куоракка олорор Ленинград блокадатын кыттыылаахтарын уонна кинилэр сыдьааннарын кытта көрүстэ: Анна Петровна Захарова (Литмонен), СӨ доруобуйатын харыстабылын бэтэрээнэ, Людмила Тимофеевна Зипунова, СӨ доруобуйатын харыстабылын бэтэрээнэ, СӨ Бочуоттаах бэтэрээнэ, Антонина Александровна Припузова (Рюнтю), үлэ бэтэрээнэ, Эльви Давыдовна Ушницкая (Таску), үлэ бэтэрээнэ, Анатолий Сергеевич Макушин, үлэ бэтэрээнэ о.д.а.
Ленинград блокадатын кыттыылаахтарын эҕэрдэлээһиҥҥэ Куорат дууматын бэрэссэдээтэлэ Альберт Семенов, СӨ үлэ уонна социальнай сайдыы миниистирин солбуйааччы Афанасий Постников, Дьокуускай куораттааҕы социальнай харалта управлениетын салайааччыта Семен Матвеев, киин куорат бэтэрээннэрин сэбиэтин бэрэссэдээтэлэ Николай Тряпша кыттыыны ыллылар.
Ыспыраапка: 1943 сыл тохсунньу 18 күнүгэр сарсыарда 9:30 чааска «Искра» эпэрээссийэ чэрчитинэн Шлиссельбург куорат анныгар 1№-дээх Рабочай бөһүөлэк таһыгар Ленинградскай фронт 123-с стрелковай биригээдэтэ Волховскай фронт 372-с дивизиятын чаастарын кытта холбоһоллор. Ити күн Шлиссельбург куорат уонна Ладлога күөл соҕуруу эҥэрэ өстөөх төгүрүктээһиниттэн босхолонор. Түүн оройун диэки блокада түмүктэммитин туһунан иһитиннэрии ыытыллар. Үөрүүлээх сонуну олохтоохтор куорат уулуссаларыгар тахсан бэлиэтииллэр. Тохсунньу 19 күнэ үүнэр сарсыардатын Ленинград былааҕынан киэргэнэн көрсөр. Блокада бүтэһиктээхтик биир сылынан – 1944 сыл тохсунньу 27 күнүгэр түмүктэнэр.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.