09.02.2022 | 19:30

Ленин проспегар тырааныспар сырыытыгар хааччахтааһын

Ленин проспегар тырааныспар сырыытыгар хааччахтааһын
Ааптар: Киин Куорат

Ленин проспегын Хабаров уулуссатыттан Краснояров уулуссатыгар диэри учаастагар хапытаалынай өрөмүөн ыытылларынан сибээстээн,  бу эбийиэккэ суол үлэтэ сөргүтүллэр. Онон олунньу 15 күнүттэн оптуобустар бигэргэтиллибит схеманан сылдьыахтара. Бу туһунан олохтоох дьаһалта пресс-сулууспата иһитиннэрдэ. 
Курашов уонна Киров уулуссалара сабыллыахтарыгар диэри тырааныспар сырыыта төһө кыалларынан табыгастаах буоларын туһугар 2 уонна 3 №-дээх оптуобустар бу этиллибит уулуссаларынан үргүлдьү ааһан сылдьыахтара. 2 №-дээх оптуобус бигэргэтиллибит схеманан быһа холоон кулун тутар 13 күнүттэн сылдьыаҕа. Оттон 3 №-дээх оптуобус – ыам ыйын 15 күнүттэн. 
Маны сэргэ, өрөмүөн үлэтэ ыытылларынан икки учаастакка тырааныспар сырыытыгар хааччахтааһын киирэр: 
Орджоникидзе болуоссатыттан Курашов уулуссатыгар диэри;
Октябрьскай уулуссатыттан “Илин Эҥэр” маҕаһыыҥҥа диэри.
Санатан аастахха, Ленин проспегын Кулаковскай уулуссатыттан Орджоникидзе болуоссатыгар диэри учаастагар хапытаалынай өрөмүөн үлэтэ алтынньыга диэри түмүктэнэрэ былааннанар. 

Оптуобустар сылдьар схемаларын манна киирэн көр: https://yakutskcity.ru/press-tsentr/ob-ogranichenii-dvizheniya-transporta-po-prospektu-lenina/

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Похуоттуу бардыбыт!
Сынньалаңңа | 14.05.2022 | 15:33
Похуоттуу бардыбыт!
Бу күннэргэ дьиэ кэргэнинэн, кылааһынан похуоттар саҕаланыахтара. Үчүгэй сынньалаҥы көрдөөх бырагыраама киэргэтэр. Сөбүлэһэҕит? Оччоҕуна “Киин куорат” бэлэмнээбит оонньууларын сэргээҥ, сэҥээриҥ!    Хамсаныылаах оонньуулар «Светофор» Хонууга эбэтэр балаһааккаҕа оонньонор. Онно икки уһун сурааһыны тардаҕыт. Бастакы сурааһын кэннигэр кыттааччылар оонньуу саҕаланыытыгар тураллар. Оттон иккис сурааһыҥҥа диэри ыытааччыттан (эккирэтэр киһи) куотан тиийиэхтээхтэр. Бастаан ыытааччыны...