Ленин проспегар суолу оҥорорго бэлэмнииллэр

Бу күннэргэ хапытаалынай өрөмүөн эбийиэгэр сири таҥастааһыҥҥа уонна канализация тахсааһыныгар бэлэмнэнии үлэтэ ыытыллар. Бу туһунан «Главстрой» МХТ суол тутуутугар салаатын кылаабынай специалиһа Денис Стецюк иһитиннэрдэ.    
Үлэ бастакы түһүмэҕэр сэтинньи ый бүтүөр диэри бэдэрээччик «Дорстрой» ХЭТ суол таҥастааһыныгар бэлэмнэниини Кулаковскай уул. саҕалаан Киров уул. диэри  ыытары былаанныыр. Ити учаастакка аспааллааһын 2022 сылга ыытыллыахтаах. 
Итини сэргэ эһиил бырайыак быһыытынан граниттан уонна вибропресованнай билиитэлэртэн тротуардар, бэлэсипиэт суоллара, сырдатыы тирээбиллэрэ, ууну сүүрдэр лотуоктар оҥоһуллуохтаахтар. Боруобаттар хаабыллаах канализацияҕа кистэниэхтэрэ. Хапытаалынай өрөмүөн чэрчитинэн суол бэлиэлэрэ, светофор эбийиэктэрэ туруоруллуохтара, 15 м дириҥҥэ сытар канализация коллекторын өрөмүөнэ уонна көҕөрдүү үлэтэ ыытыллыаҕа. 
Ленин проспегын хапытаалынай өрөмүөнэ икки түһүмэххэ уонна үс учаастакка араарыллыбыт. Ол курдук, суол үлэтин бастакы түһүмэҕэр 2022 сыл балаҕан ыйыгар диэри Кулаковскай уул. Дзержинскэй уул. диэри учаастакка хапытаалынай өрөмүөн ыытыллар.   Иккис түһүмэххэ икки учаастакка – Дзержинскэй уул. Хабаров уул. диэри уонна Краснояров уул.  Кулаковскай уул. диэри өрөмүөн ыытыллар.