21.01.2023 | 15:00

Үлэлээх төрөппүт уонна бүлүтүөн

Үлэлээх төрөппүт уонна бүлүтүөн
Ааптар: Айталина Софронова
Бөлөххө киир

Оҕо ыалдьара хайа баҕарар төрөппүтү атахтыыр. Аныгы үйэҕэ эдэр ыаллар оҕолорун үксүн бэйэлэрэ көрөллөр, тоҕо диэтэххэ илии-атах буолар эбэ, эһэ, олох ирдэбилинэн, кирэдьиит төлөөрү, ипотека сабаары, сиэн көрсөр иллэҥнэрэ суох.

Тэрилтэҕэ официальнайдык үлэлиир төрөппүт оҕото ыалдьан үлэлии барар кыаҕа суох түгэнигэр, бүлүтүөн ылыан сөп. Бүлүтүөнү билигин электроннай көрүҥүнэн арыйаллар. Бүлүтүөн арыллыбытын, сабыллыбытын, уһатыллыбытын, харчыта төлөммүтүн туһунан иһитиннэрии барыта «Госуслуги» кэлэр.

Бүлүтүөн харчыта оҕо сааһыттан тутулуктаах.

7-гэр диэри саастаах оҕо

Бүлүтүөҥҥэ олорбут болдьоххо ааҕыллыахтаах орто хамнас 100% төлөнөр. Орто хамнас икки кэнники сылынан суоттанар.

Биир сылга ылыахха сөп:

60 хонугу – оҕону көрүүгэ-истиигэ барытыгар сыһыаннаах түбэлтэҕэ;

90 хонугу – оҕо ыарыыта Доруобуйа харыстабылын министиэристибэтин анал испииһэгэр киирэр түгэнигэр.

Өскөтүн төрөппүт инники сылларынааҕы дохуота суох эбэтэр орто хамнаһа МРОТ-тан намыһах буоллаҕына, киниэхэ хамнас алын кээмэйигэр тэҥнээх суума ааҕыллар.

7-тэн 15-гэр диэри саастаах оҕону көрүүгэ

Сылга уопсайа 45 күҥҥэ тиийэ болдьоххо бүлүтүөн ылыахха сөп. Ол иһигэр биир кэмҥэ 15 хонукка диэри бэриллэр. Төлөбүр маннык быраабыланан оҥоһуллар:

Оҕо балыыһаҕа сытан эмтэммит буоллаҕына, босуобуйа үлэһит страховой ыстааһыттан көрөн суоттанар;

Оҕо дьиэтигэр сытан эмтэммит түгэнигэр, бастакы 10 күҥҥэ страховой ыстаас кээмэйиттэн көрөн төлөнөр, онтон кэлэр күннэргэ – үлэһит орто хамнаһын 50%- на.

Страховой ыстаас диэн үлэ ыстааһа ааттанар. Сыл аҥаарыттан 5 сылга диэри үлэ ыстаастаах төрөппүккэ орто хамнаһын 60% төлөнөр, 5-тэн 8 сылга диэри ыстаастаах төрөппүккэ – 80 % диэри, 8 сылтан уһуннук үлэлээбиккэ — 100 %-ҥа диэри.

 

Инбэлиит оҕоҕо

Ыарыһах оҕолоох төрөппүккэ бүлүтүөҥҥэ сылдьыбыт кэминээҕи орто хамнаһа 100 %-на төлөнөр, төрөппүт бу бүлүтүөҥҥэ 120 хонукка тиийэ сылдьыан сөп.

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...